Kabanata 15

Habang kasunod niya si Jessica, galit na nagreklamo si Beatrice Young, “Sumosobra na talaga si Emily. Nakahanda siyang sabihin ang lahat para lang matuwa si Marie.” Huminga naman nang malalim si Jessica. “Bakit ka nagagalit sa kanila? Masusupalpal din naman ang mga iyan mamaya.” Wala na siyang ibang dapat na gawin kundi maghintay ng ilan pang mga araw para makuha ni Wayne ang mga share ng pamilya Weiss at maging bagong president ng Weiss Group. Sa puntong iyon ay magagawa na nilang tanggalin si Shirley sa kasalukuyan nitong titulo. Naniniwala si Jessica na sa pamamagitan ng kaniyang kagandahan at talino, agad siyang aangat at magiging bagong nangungunang socialite sa kanilang siyudad. Sino ba si Marie maliban sa pagiging isang babae na nagmula sa mas magandang pamilya? Hindi magtatagal ay makikita niya kung paano magiging arogante si Marie sa kaniyang harapan. Pagbabayaran ng kahit na sinong manglalait sa kaniya ang kanilang ginawa ng sampung beses. Noong mga sandaling iyon, nagtipon tipon ang mga kababaihan sa paligid ng ilang mga mas nakakatandang babae habang tinatawag naman ang mga socialite ng kanilang mga ina. Ang mga babaeng umattend ngayong gabi ay mga prominenteng socialite na nagmula sa mayayamang mga pamilya na mayroong kanikaniyang mga pride. Kahit na humahanga sila sa isang tao, hinding hindi sila magbibigay ng initiative na ilapit ang mga sarili nila sa mga ito. Dahil mapapababa ng gawaing iyon ang kanilang estado na magiimbita ng panglalait sa kanilang mga pamilya. Si Jessica ang nagngungunang halimbawa ng mga babaeng gumawa nito. Wala silang dapat gawin kundi umasal nang tama habang ipinapakita ang maganda nilang asal, ankin nilang kagandahan at katalinuhan sa lalong madaling panahon para makuha ang pabor ng mas nakakatandang mga babae. Pero ang batang karga ni Isabelle ang pinakamadaling paraan para mapalapit ang kahit na sino kay Benjamin. Pero sa kasamaang palad, napagtanto nila na kasing hirap timplahin ni Benjamin si Damian. Hindi manlang sila tinitingnan nito kahit na ano pa ang gawin nilang pagpapapansin sa bata. Nang maisip niya na nakagawa siya ng paraan para makuha ang atensyon nito, gumamit si Emily ng mga dessert para makuha ang loob nito. Pero kinuha ng naiiritang si Damian ang cupcake na kaniyang hawak para ihampas ito sa mukha ni Emily. Kumalat ang cake sa buong mukha ni Emily kaya nagmukha itong kaawa awa sa harapan ng lahat. Mangiyak ngiyak na ito sa sobrang kahihiyan noong mga sandaling iyon. Dali daling humingi ng tawad si Isabelle kay Emily bago niya utusan ang kaniyang mga staff na linisin ang ikinalat ni Damian. Nang makabalik siya sa tabi ng kaniyang ina na si Mia Hale, gumaan ang pakiramdam ni Jessica nang makita niya ang eksenang iyon. Nawalan ng pagasa ang mga socialite nang dahil sa kawalan ng pakialam ni Damian. Inobserbahan ng lahat si Damian na hindi umiiyak o tumatawag habang iniisip ng ilan na baka pipi ang batang ito. Samantala, nagsama sama naman ang mga kalalakihan para uminom at magusap usap habang nakatingin sa mga socialite na umattend ng party. Magisang umupo sa likuran si Benjamin na naghiwalay sa kaniyang sarili mula sa kahit na sino habang inoobserbahan niya ang paligid. Pero sapat na ang napakalakas niyang presensya para mapansin siya ng kahit na sino. Dito na tumayo si Shirley mula sa piano para maglakad papunta sa mas nakakatandang mga babae. Dito na siya napansin ng isa sa mga bisita. “Nandito rin si Shirley?” Agad na napatingin ang lahat kay Shirley nang may magbanggit sa pangalan nito. Nakasuot ito ng kulay purple na gown habang nagpapakita ng angkin nitong ganda ang mukha niyang may kaunting make up. Nagliwanag naman ang maputi niyang balat habang nagpapakita mula sa ilalim ng gown ang mahahaba niyang mga binti. Masyadong makapigil hininga ang ganda ni Shirley na lumamang nang husto kaysa sa mga socialite na kasama niya sa event. Nabagabag sina Jessica at Marie nang makita nila si Shirley. Sa bawat sandaling aattend sila ng banquet, ang huling bagay na hihilingin nila ay ang pagpapaita ni Shirley dahil agad silang nagiging background sa sandaling nagpapakita ito. Walang kahit na sino ang nakakakuha ng spotlight mula kay Shirley. Nang makabalik siya mula sa pagpapalit niya ng damit, tiningnan ni Emily ang eksena bago siya suminghal kay Marie, “Katatapon tapon lang sa kaniya ni Samuel pero nagawa pa rin niyang magpakita sa banquet na ito?” Agad namang nagdilim ang mukha ni Marie. “Itigil mo na ang mga kalokohan mo Emily.” Noong mga sandaling iyon, malakas na nagbuntong hininga ang isa sa mga bisitang nagmula sa isng marangyang pamilya, “Hindi na ako magtataka kung bakit siya ang nangungunang socialite sa buong Elderstone. Agad niyang nasasapawan ang lahat saan man siya magpunta.” Hindi nagtagal, maririnig ang isang nanglalait na tawa mula sa gitna ng maraming tao. “Maganda nga siya, oo. Pero nakakaawa lang dahil iniwan siya ng fiancé niya,” Sabi ng anak ni Wayne na si Jayden Clay na siya ring kapatid ni Jessica. Hindi naging mahina ang boses ni Jayden. Narinig siya maging ni Shirley, lalo na ng grupo sa paligid ni Jayden. Dito na napatingin ang mga kalalakihan mula sa mararangyang pamlya, mga socialite at ulang mga nakatatandang babae kay Jayden. Sumisinghal nitong sinabi na. “May mga bagay na hindi alam ng mga outsider na katulad ninyo pero umakyat si Shirley sa kama ni Samuel bago pa man siya tumuntong sa tamang edad. Sa ilang taon nilang pagsasama, mukhang napagod na sa kaniya si Samuel.” Dito na niya inakbay ang kaniyang kamay sa balikat ng isa pang lalaki bago niya nanunuksong sabihin na, “Dude, kung okay lang sa iyo, puwedeng puwede mong kunin ang gamit nang babaeng ito mamaya.” Nakaramdam ang lalaking iyon ng kahihiyan kaya agad itong sumagot ng, “Hindi ko inaasahan na magiging ganito kawalang manners ang nangungunang socialite ng Elderstone. Anong klase ng lalaki ang magpapakasal sa ganitong klase ng babae?” Agad na pumangit ang impresyon ng ibang mga lalaki kay Shirley. Kahit na iniisip nila na okay lang kahit na mayroon ng karanasan ang isang babae sa ganitong bagay, sino pa ang magpapakasal sa kaniya sa sandaling malaman ng lahat ang ganitong klase ng eskandalo? Sino ang lalaking makakatiis sa kahihiyan ng pagkakaroon ng isang babaeng nagamit nang husto ng ibang lalaki? Makakaramdam sila ng kahihiyan kahit na makita lang sila na kasama nito sa publiko. Agad na namutla ang buong mukha ni Shirley nang marinig nial ang mga ito. Hindi na niya napigilan ang kaniyang sarili nang sumugod siya para sampalin nang malakas si Jayden. Paano nagkaroon ng ganito kabastos na lalaki ang mundo? Pero walang magawa na kahit ano si Shirley. Nababahala niyang tiningnan si Benjamin nang makita niya ito sa likuran. Kasalukuyan itong nagcecellphone habang hindi nito alam ang nangyayari sa kaniya. Nakahinga rito nang maluwag si Shirley. Pero agad niyang napansin ang pagtingin ni Isabelle sa kaniyang mukha na siyang nagpahigpit sa kaniyang dibdib. Anong klase ka, Jayden! Dito na narinig ng lahat ang isang malalim na boses na nagmula sa likuran ni Jayden, nabalot ito ng inis, “Jayden, kung hindi ako nagkakamali, pinsan mo si Shirley, hindi ba? Paano mo nagawa, bilang nakakatanda niyang pinsan na siraan ang kaanak mo? Nasisiraan ka na ba ng bait?” “Isa ka ring lalaki kaya tumigil ka na sa pagiging masama mong lalaki na nagkakalat ng chismis tungkol sa ibang babae. Isa itong malaking kahihiyan sa mga kalalakihan.” Namutla ang galit na mukha ni Jayden nang marinig niya ang mga salitang ito. Tumuro siya sa lalaki para magtanong ng, “Sino ka ba? Hindi ka dapat nangingialam sa buhay ko.” Tumayo ang mataas na si Derek sa harapan ni Jayden habang tinitingnan niya ito na parang isang langgam. “Hindi ka karapat dapat na malaman ang pangalan ko.” Naging berde rito ang mukha ni Jayden habang humihigpit nang husto ang kaniyang mga kamao. Kung wala lang siya sa teritoryo ng Blackwoods at kung wala lang dito si Benjamin, siguradong nagpakawala na siya ng suntok sa lalaking ito. Nang biglang magring ang phone ni Derek. Hindi niya maysadong pinansin si Jayden pero nang masagot niya ang tawag, nagdilim ang kaniyang paningin sa loob ng ilang segundo. Naramdaman ni Shirley na nakita na niya ito noon pero hindi niya matandaan kung saan. Pagkatapos niyang ibaba ang tawag, tumitig si Derek kay Shirley ng ilang segundo bago ito nagmamadaling umalis sa manor ng mga Blackwood. Dumura si Jayden sa papalayong imahe ni Derek. “Mabuti na lang at mabilis siyang tumakbo dahil kung hindi ay baka napatay ko na siya.” Sarcastic namang tumawa ang isa sa mga bisita. “Jayden, si Derek Ashfold iyan. Siguradong magiging miserable ang katapusan mo kung hindi siya nagmadaling umalis dito.” Agad na natahimik sa kaniyang narinig si Jayden. Si Derek! Si Derek pala ito! Kaya pala… kaya pala pamilyar siya sa akin! Hindi pa rin siya nagbabago. Isa pa rin siyang maalagang kuya sa lahat. Hindi makakalimutan ni Shirley ang pakay niya sa pagpunta rito. Agad niyang inayos ang kaniyang sarili bago siya maglakad papunta kay Isabelle.