Kabanata 9

Sinadya pa rin ni Cyrus na makipag-usap kay Frederick. Hindi pangmatagalang solusyon ang pagsusugal at nandiri dito si Zoey, dahilan para hindi maiangat ni Mira ang ulo niya. Sino ang magkakagusto sa isang sugarol? Siya, bilang kilalang young lord ng Hippocrates Sect, ay kumita nang pera gamit ng kakayahan at marangal na paraan. Nakatayo si Zoey sa pintuan at pinagmasdan si Cyrus na umalis. Hinawakan niya ang malabong marka sa maputing leeg niya at nakaramdam siya ng kakaibang pakiramdam na para bang bumangga ang mundo niya sa ibang mundo. Hindi niya maisip kung bakit ang laki ng pinagbago ni Cyrus, at inisip kung anong binabalak niya. Gusto nga niyang tanungin si Rachel kung sinong mayaman at maimpluwensyang lalaki ang natalo ni Cyrus kaya naging masipag siya bigla. Gayunpaman, dahil si Tito Lopez ang huling kliyente, nagmessage si Zoey sa dati niyang malapit na kaibigan, si Dr. Cecilia Lopez, ang anak ni Frederick Lopez at ang Deputy Director ng Jorsproburgh Hospital. "Cecilia, may pera na ako para makapagrestock. Pwede mo bang kausapin ang tatay mo?” "Sige, kailan ka pupunta? Ihahatid kita para makipagkita ka sa kanya." "Papunta na diyan si Cyrus." "Bakit pupunta rito ang talunang yun? Hindi siya pwedeng pumasok sa bahay ng tatay ko. Zoey, umaasa ka pa rin ba na may pakialam siya sa'yo?” Sumabog si Cecilia nang may dismaya sa tono niya at ibinaba ang tawag. Pagbaba niya ng phone niya, bumuntong-hininga siya at ibinulsa ang mga kamay niya sa lab coat niya. Mula sa floor-to-ceiling window ng opisina, nakita niya si Cyrus na nakasakay sa electric bike papunta sa Jorsproburgh Hospital. Tatlong taon ang nakaraan, nakasakay si Cyrus sa isang Rolls Royce, pero ngayon ay mukha siyang gusgusin—isang sitwasyong siya mismo ang gumawa. Sa hindi inaasahang pagkakataon, agad siyang pinapasok ng tatay niya at pinagalitan siya nang matindi. "Anong karapatan mong makipag-negosyo sa akin? Mga kasosyo ko ang tatay mo at ang mga in-law mo sa loob ng maraming dekada. Paano nagtapos ang lahat ng ito? Galit na galit sa iyo ang mga magulang mo, at si Wallace ay naiwang paralisado. Ngayon, ang panghabambuhay na pinagsikapan ng Clarke family ay kinuha ng little mistress na iyon." "Sa mga taong ito, kung hindi dahil sa suporta ni Wallace, namatay na ang anak mo sa sakit niya. Sa kabila ng pambihirang kagandahan ni Zoey at ng maraming mayayamang tagapagmana na sabik na mapakasalan siya, tumupad si Wallace sa mga salita niya at pinakasal niya siya sa'yo. Sa mga kaarawan ni Wallace nitong mga nagdaang taon, nakabisita ka na ba minsan kahit wala si Zoey?" Tinanggap ni Cyrus ang lahat ng mga batikos sa kanya. Dahil ang dating Cyrus ay talagang isang walang kwentang tao, wala siyang ibang nagawa kundi ang aminin ang mga pagkakamaling ito. “Director Lopez, bibisita talaga kami sa susunod na kaarawan niya,” sagot ni Cyrus. "Hmph, sa susunod na kaarawan niya? Malamang hindi mo pa naaalala ang petsa," malamig na tawa ni Frederick. Naghanap si Cyrus sa mga alaala niya, at ganun na nga, wala talaga siyang maalala. "Tatanungin ko si Zoey tungkol dito." Hinampas ni Frederick ang mesa at galit na nagtanong, "Hindi mo nga kayang bumili ng wheelchair tapos maglakas-loob kang ipakita ang mukha mo sa kanya? Hindi lang ang sarili mo ang pinapahiya mo kundi pati na rin ang asawa mo. Sa darating na 60th birthday niya, inaanunsyo niyang pormal niyang ipinapasa ang negosyo sa bunso niyang anak na lalaki. Walang mamanahin si Zoey na kahit isang sentimo.” "Wag kang mag-alala, hindi ako interesado sa pera niya. Ilang araw na lang ay mababayaran na ang 200 thousand dollars na hiniram ni Zoey. Dadalo ako para lang maisalba ang reputasyon ni Zoey." "Wala kang kwenta. Lumayas ka." Nagsimulang itaboy ni Frederick si Cyrus sa pamamahay niya. Ang reputasyon ng isang tao ay madaling mawala ngunit mahirap ibalik. Bukod pa rito, siya ang naging pinakamalaking gastador sa Jorsproburgh sa mga nakaraang taon. Gusto pa ni Cyrus na subukan ang swerte niya, pero sinabi ni Cecilia, "Lumayas ka! Hindi mo ba nakikitang galit ang tatay ko? Kailangan ko bang tumawag ng security para ihatid ka?" "Gusto ko lang sabihin na para sa nalalapit na 60th birthday celebration ng biyenan ko, dadalo talaga kami ni Zoey. Dadalhan din namin siya ng regalo na magugustuhan niya. Iparating mo ang mensaheng ito sa matanda." “Hehe, gusto kong makita kung anong klaseng regalo ang maibibigay mo, alibughang anak,” ngumisi si Frederick. Pagkatapos umalis ni Cyrus, nagtatakang nagtanong si Cecilia, "Dad, pakiramdaman mo ba ay parang nagbago ang lalaking yun?" "Cecilia, hinding-hindi mababago ng aso ang ugali nitong kumain ng dumi. Huwag kang umasa sa ganyang tao," mabangis na sagot ni Frederick. "Totoo, noon, si Zoey ang pinakamagandang babae sa Jorsproburgh Medical College. Ang nakakalungkot, ikinasal siya sa isang basura. Hula ko ay sobra itong pinagsisihan ng tatay niya,” bumuntong-hininga si Cecilia. Pagbalik sa tindahan, naghahanda ng tanghalian si Zoey. Si Cyrus, na hindi nakuha ang deal, ay medyo nahiya na sabihin ito sa kanya at sa halip ay nagtanong, "Maaari mo rin ba akong ipagluto ng pagkain?" "Tira-tira lang ang mga to. Sa tingin ko hindi mo to makakakain," malamig na sagot ni Zoey, dahil hindi pa kumain si Cyrus sa bahay. "Bibili ako ng malamig na pagkain. Gusto ko lang ng pasta. Please?" Ngumiti si Cyrus. Bahagyang kumunot ang noo ni Zoey at naramdaman niyang kakaiba ang pagpapakiusap ni Cyrus. Gayunpaman, nagluto pa rin siya ng dagdag na pasta para sa kanya. Pagkabalik ni Cyrus dala ang malamig na mga pagkain, nag-alinlangan siya at sinabing, "Hindi natuloy ang deal kay Tito Lopez." "Nasabi na sa akin ni Cecilia. Sabi ko sa iyo huwag ka nang pumunta," sagot ni Zoey. Nang sinabi sa kanya ito ni Cecilia, hindi siya makapaniwala. Gayunpaman, nagpunta talaga si Cyrus at tiniis ang sermon sa kanya. Nakakagulat na napakakalmado ng buong proseso nito, na hindi niya karaniwang istilo. Habang mas biglaang nag-iba ang ugali niya, mas lalong natakot si Zoey sa kanya. "Wag kang mag-alala, makukuha ko rin ang deal kay Tito Lopez. Siya nga pala, kailan ang 60th birthday ng tatay mo?" tanong ni Cyrus. "Bakit mo ito tinatanong? Tatlong taon ka nang hindi pumupunta, at hindi mo na kailangan pang pumunta sa susunod," sumbat ni Zoey. "Kailangan kong dumalo sa ika-60 na kaarawan ng tatay mo. Panigurado, ako mismo ang maghahanda ng regalo, sinisiguro kong mas malalamangan nito ang mga kapatid mo, lalo na ang madrasta mo." Napangiti si Cyrus. Nang hindi na siya nakapagpigil, inilapag ni Zoey ang kutsilyo sa kusina, tinitigan si Cyrus, at napasigaw, "Baon na baon ka sa utang, at sa palagay mo may karapatan kang makipagkita sa tatay ko? Bakit ka pa makikipagkumpitensya sa kanila? Hindi na nga ako pwedeng pumasok sa bahay ng pamilya ko ngayon, ipapahiya lang ako ng madrasta ko at mga kapatid ko." "Kalma ka lang. Mula ngayon, hindi na ako ang taong nakilala mo. Magtiwala ka sa'kin-" Bago pa matapos magsalita si Cyrus, dumating na ang mga pinagkakautangan nila at galit na naghahanap sa kanya. Nabalitaan nila mula kay Rachel na nanalo si Cyrus ng malaking halaga ng pera at dumating sila para maningil ng utang. Sa kasalukuyan, May utang si Cyrus na tumataginting na dalawang milyong dolyar sa kanila. Dahil sa gulat ay mabilis na kinuha ni Zoey ang sangkalan at tumakas papunta sa maliit na silid. Takot na takot na siya ngayon tuwing may mga maniningil ng utang sa kanila dahil naninira sila ng mga gamit at naiiwan siyang nakatulala sa takot. Hindi nakaimik si Cyrus. Bwisit, nagpapaliwanag pa lang siya sa asawa niya. Dumating ang mga nagpapautang sa pinakapangit na pagkakataon. Malamang may kinalaman si Rachel dito, hindi siguro siya natutuwa na bumalik siya kay Zoey. "May pera ka na pero ayaw mo kaming bayaran. Gusto mo bang mamatay?" Nagbanta ang lalaking namumuno sa mga maniningil ng utang. Nagkibit-balikat si Cyrus at sinabing, "Nanalo nga ako ng 400 thousand dollars kagabi, pero wala na ang lahat ng yun. Wala na akong kahit isang sentimo." "Ngayon, ibibigay mo sa amin ang asawa mo o mamamatay ka," pagbabanta ng pinuno. Ang lalaking ito ay si Sean Wood, na may mayamang amang kasalukuyang chairman ng Herbal City. Noon, nawalan ng tumataginting na isang bilyon si Cyrus sa ama niya. Habang lalo niyang sinubukang bumawi, mas lalo lang siyang natalo. Matagal nang tumigil ang ama ni Sean sa pakikipaglaro kay Cyrus. Pero pinagnanasaan ni Sean si Zoey. Kasama ni Rachel, minamanipula at pinaglaruan nila si Cyrus. Nanalo sila ng 2 milyon mula sa kanya noong nakaraang buwan. Umaasa siyang gamitin ang utang na ito para piliting sumuko si Zoey. Sa kasamaang palad, minaliit niya ang lakas ng loob ni Zoey. Sa bawat pagkakataon, umuuwi siya nang may ilong na puno ng dumi. Habang nakikinig sa loob, agad na nadurog ang puso ni Zoey. Naglaho ang kahit anong bakas ng pakikisama niya kay Cyrus sa isang iglap. Napahawak siya nang mahigpit sa kutsilyo sa kusina. Kung maglakas-loob si Sean na pumasok, lalaban siya ng buong tapang para mapanatili ang dignidad niya. Walang kamalay-malay si Cyrus na kapag hindi siya umuuwi, halos araw-araw na ginugulo ni Sean si Zoey.