Kabanata 36 Asawa Ko

Tahimik na sinuri ni Nell ang mesa. Totoo nga, halos lahat ng naririto ay mga paborito niyang pagkain. Ang mga libro sa kanyang opisina, ang mga damit, at ngayon isang mesa na puno ng kanyang paboritong pagkain. Iniisip niya masyado naman yatang nagkataon. Subalit, walang kahit anong sinabi ang lalaki, kaya nagpanggap na lamang siya na walang napapansin at nanatiling tahimik. Hindi nagsalita ang dalawa habang kumakain para bang may patakaran sila ng katahimikan. Sunod, naglakad si Nell papunta sa harapang hardin para matunawan siya ng kinain habang nagsa-swipe ng kanyang cellphone para malaman ang pinakabagong balita. Isang malamig at mabangong amoy ng pinewood ang biglang tumama sa kanya. Napatalon siya sabay lingon para makitang nakatayo si Gideon sa tabi niya. “Huwag kang magcellphone habang naglalakad.” Inabot niya ang kanyang telepono at agad itong kinuha habang nagsasalita. Wala ang atensyon ni Nell sa kapaligiran kaya aksidente niyang natapakan ang isang bato sa kinatat