Kabanata 37 Ano Ang Pinaplano Niya

Agad na nilagay ni Simon ang kanyang daliri sa harap ng kanyang bibig at tahimik na umupo. Napasinghal si Gideon. Matapos ang ilang sandali, tinignan ni Simon ang dalawang taong nasa harap niya at hindi na siya makapagpigil. Napatanong siyang muli, “Pinsan, kailan ka kinasal? Bakit hindi ko ito alam?” Hindi man lang siya tinignan ni Gideon. “Kailangan ko bang ireport sa iyo kapag kinasal na ako?” “Hindi, haha.” Tumawa nang malamya si Simon. “Matagal nang hinihintay ni Lolo ang pagkakataong ito sa loob ng napakaraming taon. Ito lang talaga ang makapagpapasaya sa kanya!” Nandilim nang bahagya ang mga mata ni Gideon subalit nanatili siyang tahimik. Natural na hindi sumingit si Nell sa kanilang usapan. Matapos ang lahat, espesyal na kaso ang namamagitan sa kanila ni Gideon, at hindi pa siya handang kilalanin ang pamilya Leith. Subalit, imposibleng sabihin ito kay Simon. Kaya, hindi na lamang siya nagsalita. Kahit may ilang duda si Simon, nang makitang tahimik ang dalawa, hindi