Kabanata 7

Matamis na ngumiti si Carly, puno ng saya ang puso niya. Nagpahinga siya sa yakap ni Adam, inangat niya ang kaniyang mukha para tingan ito. “Alam ko na hindi mo ako kayang makita na umalis. Lagi mo akong gugustuhin.” Dahil siya ang pinakamayaman na lalaki sa Mercity, hindi lang basta gwapo si Adam kundi marangal at may impluwensya. Kaya niyang ilipat ang bundok kung gusto niya. Nasa kaniya ang lahat ng hinahanap ni Carly sa lalaki. Pero tatlong taon na ang nakalipas, pagkatapos ng aksidente, na-coma siya. Sinabi ng doctor na hindi na siya magigising. Paano niya sasayangin ang mga taon sa tao na hindi sigurado na babalik? Kaya, iniwan niya si Adam. Sino ang mag-aakala na si Celine ay lumapit para pakasalan siya? Pagkatapos, sa loob ng tatlong taon, nagising si Adam mula sa pagiging coma. Kahit ngayon, hindi maintindihan ni Carly kung paano ito nangyari. Si Celine ba ang nagbalik ng buhay niya? Tinatawag itong milagro ng mga doctor. At kaya naman bumalik siya. Alam niya na mahal siya ni Adam. Hindi siya nito itutulak palayo. Tinitigan ni Adam ang magandang mukha ni Carly. “Kung hindi dahil sa nangyari… sa tingin mo ba ganito kita ka-spoiled?” Sa pagbanggit non, natigil si Carly, bakas ang pagsisisi sa mata niya. Agad niyang iniba ang usapan. “May nangyari ba sa inyo ni Celine?” Ibinaba ni Adam ang tingin niya. “Ano sa tingin mo?” Alam niya na walang nangyari sa kanila ni Celine; nang-aasar lang siya, nagpapanggap na walang alam. Nahagip siya ng patibong, mas nagiging mainit ang kanilang usapan. Gusto ni Carly ang parte na ito kay Adam—ang mature at kaakit-akit na lalaki na may pagka-pilyo na nagpapabilis ng tibok ng puso niya. Binalot niya ang kaniyang braso sa leeg nito, humahaplos ang labi niya habang bumubulong, “Gusto mo bang makasama ako ngayong gabi?” Si Leo na ilang taon nang sumusunod kay Adam ay matalinong inangat ang harang sa pagitan ng harap at likod na upuan. Hindi sumagot si Adam, tumingin lang siya. Nakasuot si Carly ng pulang spaghetti strap dress, umaangat ang dulo nito habang nakaupo sa kaniya. Nakalabas ang mahaba at maganda niyang hita. Humigpit ang hawak niya sa leeg nito, hinihila siya palapit. “Sige na, sabihin mo sa akin. Gusto mo ba ng sexy time kasama ako o hindi?” Kung papayag siya, handa siya mismo ngayon. Naintindihan ni Adam ang intensyon niya. Pero sa hindi malamang dahilan, bumalik ang isip niya sa nangyari kanina sa club. Tinanong ni Carly kung sino ang mas maganda—siya o si Celine. Sa hindi malaman na rason, hindi mapigilan ni Adam na isipin si Celine sa oras na ‘yon. Mahina niyang inalis ang braso ni Carly sa kaniyang leeg. “Kasal pa rin ako kay Carlie.” Walang pakialam si Carly. “At?” Sinabi ni Adam, “Wala akong intensyon na lokohin ang asawa ko.” Natahimik si Carly, nawala lahat ng init sa pagitan nila. Umalis siya sa hita nito, bahagyang dismayado. May pride din siya. Pagbibigyan lang niya si Adam kung gusto nito. Palaban niyang tiningnan niya si Adam. “Kailan mo hihiwalayan si Celine?” Tumingin si Adam sa labas ng bintana, nawawala ang mga nasa isip niya. Mabuti na lang at humiling ng divorce si Celine—plano niya na rin naman ito. Malamig ang boses niya habang sumasagot, “Soon.” … Sa apartment, humiga si Celine sa malambot na kama, hinayaan niya na balutin siya ng pagod niya ngayong gabi. Pagkatapos ng mga ginawa niya ngayong gabi, oras na para ibalik sa tama ang buhay niya. Kinuha niya ang kaniyang phone at binuksan ang WhatsApp. May dalawa siyang account. Ginagamit niya ang account na “Celine Tate-Alvarez” sa nagdaang tatlong taon pero ngayon ay offline na ‘yon. Nang buksan niya ang isa niyang account, binaha ng mensahe ang WhatsApp niya mula sa group chat na ang pangalan ay “Happy Family”. Binuksan niya ‘yon at nakita ang mensage ni Cyrus Pope. “Wow! Celine, online ka na rin sa wakas!” Pagkatapos, panibagong mensahe mula kay Jason miles ang dumating. “Welcome back, Celine!” Sinabi ni Perry Marshall, “Mabuti naman at nakabalik ka na.” Masaya silang tatlo, masigla nilang pinagdidiwang ang reunion nila sa WhatsApp. Sabi ni Cyrus, “Three years ago, nakatuon si Celine sa romance, nagpaalam sa atin at tumakas para humanap ng lalaki. So, Celine, masaya ba?” Sumagot si Celine, “Hindi.” “Mukhang may nasaktan na puso rito,” pang-aasar ni Jason. Nakisali si Perry. “So kahit si Celine ay nagkaroon ng hindi niya kayang pakitunguhan, huh?” Hindi mapigilan ni Cyrus ang tumawa. “Sige na, tama na ang pang-aasar kay Celine. Sabihin na lang natin na naghirap siya ng tatlong taon dahil sa pag-ibig. Pasensya na, nakakatawa kasi. Kailangan ko ng oras para ubusin ang tawa ko. Oh my goodness!” Umirap si Celine, hinihiling niya na sana pwede niyang alisin ang tatlo sa group chat. Biglang, naging seryoso si Cyrus. “Celine, oras na para bumalik ka sa trabaho. Naiipon na ang surgery appointment. Nag-schedule na ako ng tricky heart surgery para sa'yo bukas sa Haven Hospital.” Sumagot si Celine gamit ang “Okay” na emoji. Napansin niya ang ilang message nang buksan niya ang main page ng WhatsApp. Pinindot niya ‘yon—galing ‘yon kay Adam. Halos kakaiba ‘yon. Sa loob ng tatlong taon, nagpapadala siya ng mensahe sa kaniya gamit ang kaniyang “Celine Tate-Alvarez” na account, at hindi siya sumagot kahit isang beses. Ngayon na binuksan niya ang account na ito, sinusubukan siyang kausapin ni Ethan. Pagkatapos, may sumagi sa isip niya, “Akala mo mo ay mas mataas ka sa akin pero ngayon hindi mo ako maabot.” Umikot ang daliri ni Celine sa screen, handa nang pumindot sa chat box. … Ang Alvarez Group ang powerhouse ng Mercity, pinapangunahan ang ekonomiya ng siyudad. Mataas ang building nito, mas makinang sa gabi, ipinapakita ang kayamanan at kapangyarihan. Pagkatapos ihatid si Carly, pumunta si Adam sa opisina niya. Umupo siya sa kaniyang black leather chair, binabasa ang mga dokumento. Pinirmahan niya ang bawat dulo ng page na may matalim at seryosong tingin. Tumatama ang ilaw sa mahabang bintana na para bang nandoon ang buong siyudad para bigyang diin ang presensya niya. Tumunog ang phone niya dahil sa WhatsApp notification. Kinuha ‘yon ni Adam. Mensahe ‘yon mula sa junior niya. Nang mabasa niya ang reply, natigil siya bago may kumurba na ngipin sa kaniyang labi. Hindi niya mapigilan na tumawa.