Kabanata 5

Kumunot si Celine. “Anong ibig mong sabihin sa pakikipag harutan?” Nagngalit ng ngipin si Adam. “Nakadamit ka na parang maharot!” Ano? Maharot? “Ipaliwanag mo ang sarili mo, Adam Alvarez!” sumigaw si Celine. Bumaba ang tingin ni Adam, tinitingnan ang maikli niyang dress. “Halos nakalabas na ang hita mo. Ganiyan ka ba ka-desperada para tingnan ng mga tao ang hita mo?” Totoo na maikli nga ang dress na suot niya pero pinili ito sa kaniya ni Robin. Sinabi niya, “Hindi mo pinakita ang hita mo kahit kailan, kaya nagkaroon si Carly ng pagkakataon na ipakita ang kaniya. Ngayong gabi, ipakita natin sa lahat kung sino talaga ang may pinakamagandang hita sa Mercity.” Inangat ni Celine ang kilay niya. “Mukhang nakatingin kayo sa hita ko, Mr. Alvarez.” Natigil si Adam. Sumandal si Celine sa pader, tamad ang pagtindig niya pero elegante. Mabagal niyang inangat ang kaniyang kanan na hita at hinaplos ang crystal heel niya sa ankle ni Adam. Nakatayo si Adam doon suot ang tailored black slacks na pinapakita ang mahaba niyang hita, malamig at elegante ang dating niyang. Mula sa ankle nito, mabagal na humaplos pataas ng tuhod nito si Celine habang nanunukso. Pareho itong nang-aakit at nanunukso. Malamig siyang tiningnan ni Adam. “Anong ginagawa mo?” Ngumisi Celine. “Mr. Alvarez, kaninong hita ang mas gusto mo—akin o kay Carly?” Nanatili ang tingin ni Adam kay Celine, naaakit siya sa magandang mukha nito na halos kamangha-mangha na ang ganda. Mukha siyang hindi maka-mundong anghel pero nandito siya, matapang siya na inaakit. Napansin niya ang ganito kagabi, nakatago sa black-framed nitong salamin pero hindi niya inakala na kapansin-pansin si Celine. Pero, may pamilyar sa mukha nito. Kuminang ang mata ni Celine sa pagkamangha. “Inakit ka na ba ni Carly gamit ang hita niya, Mr. Alvarez?” Lumalim ang paghinga ni Adam. Lumapit siya kay Celine. “Celine, ganiyan ka ba talaga kaharot? Buong araw mo iniisip ang mga lalaki at kumuha ka pa ng walong escort.” Iniwasan niya na sagutin ang tanong tungkol kay Carly. Ito siguro ang pinakamagalang na paraan para protektahan ng lalaki ang babae. Ang relasyon niya kay Carly ay engrandeng love story noong bata at malaya pa sila. Inakit siya ni Carly. Yun ang tanging paraan para ipaliwanag kung bakit nananatili pa rin ito sa alaala niya. Talagang biniyayaan si Carly ng walang awang lalaki na siya lang ang mahal sa tinagal ng panahon. Hindi siguro gumamit ng salitang “maharot” si Adam para ipaliwanag siya. Kahit na nakangiti si Celine, nanatiling malamig ang mga mata niya. “Oo, Mr. Alvarez. May problema sa pagkalalaki mo. Dahil hindi mo ako napapaligaya, kailangan ko humanap nang mas matikas. Mag-divorce na tayo. Kapag hindi gumana ang isang lalaki, hahanapin ko kung sino ang may kaya.” Sinabi na naman ni Celine na may problema si Adam! Kakaiba talaga ang babae na ito! Hinawakan ni Adam ang magandang panga ni Celine. “Tinutukso mo ba ako? Desperado ka ba malaman kung may problema ako?” Ano? Natigil si Celine. Lumapit si Adam, halos nanunukso na ang lapit ng labi niya sa labi ni Celine. Pero malamig at malayo ang mga salita niya. “Huwag mo lokohin ang sarili mo, Celine. Hindi kita hahawakan. Si Carly ang mahal ko.” Si Carly ang mahal niya. Hindi niya ito kailangan na sabihin. Alam na ni Celine. Pero, sumakit ang puso niya nang marinig ito, hindi ito matalim kundi mapurol at hindi tumitigil na sakit na ilang ulit na humahaplos. Biglang may malaming na boses ang nagsalita. “Adam.” Tumingin si Celine at nakita si Carly na nakatayo doon. Si Carly na kinikilala bilang Scarlet Rose ng Mercity ay isang magandang babae na may mapulang labi at maputing ngipin. Sa ilang taon na pagsayaw ay nagkaroon siya ng magandang hubog ng katawan. Nang makita siya, agad na binitawan ni Adam si Celine at lumapit kay Carly. Bumaba ang tingin niya para tapatan ang kay Carly. Puno ng pagmamahal ang mata niya na hindi pa nakita ni Celine noon. “Nandito ka!” Tumango si Carly bago tiningnan si Celine. “At ito si?” hindi siya nakilala ni Carly. Pero hindi makakalimutan ni Celine si Carly. Ang totoo, hindi totoong magkapatid o half-sister man lang sina Celine at Carly. Hindi si Hayden ang totoong na ama ni Celine. Stepfather niya ito. Noon, may masayang pamilya si Celine. Ang dad niya na si Aaron Tate at ang mom niya na si Lucy Garcia ay mahal na mahal ang isa't isa. Mahal na mahal siya ni Aaron. Bubuhatin siya nito nang mataas. “Masaya na lalaki ang Celine ko.” Biglang, isang araw ay wala na siya. Ang kapatid niya na si Hayden ay lumipat kasama ang anak nito na si Carly sa bahay ni Aaron at naging mom din ni Carly si Lucy. Kinasal ulit si Lucy sa tito ni Celine. Mula noon, na kay Carly na ang pagmamahal nito, wala ky Celine. Nang magka-score na 99 si Carly sa exam at 100 ang score ni Celine, pinarusahan siya ni Lucy. “Bakit hindi mo hayaan na umangat si Carly? Kailangan mo ba lagi unahan siya?” Nang magkasakit si Carly, kinalbo ang buhok niya para sa chemotherapy. Umiyak siya dahil pangit na siya. Agad na kinalbo ni Lucy ang ulo ni Celine. “Kailangan maging pangit ka rin kasama ni Carly. Sa ganoong paraan, titigil na siya sa pag-iyak.” Tuwing gabi, si Lucy, Hayden at Carly ay maglalambingan at maririnig ang tawanan nila sa hallway. Nakatayo si Celine sa labas, umiiyak habang hawak ang manika na binili sa kaniya ni Aaron. “Mommy, natatakot ako.” Hindi nagtagal, tinawag din ni Carly si Lucy ng “Mommy”. Masaya si Lucy pero sinabi ni Carly, “Mommy, isa lang ang pwede mong maging anak.” Sa isang maulan na araw, hinatid ni Lucy si Celine sa probinsya at iniwan siya doon. Hinabol ng batang Celine ang sasakyan habang umiiyak. “Huwag mo ako iwan, Mommy! Magiging good girl na ako. Makikinig na ako sa'yo. Ibibigay ko na kay Carly lahat! Gusto ko ng yakap, Mommy! Natatakot ako!” Habang hawak ang manika niya, bumagsak siya sa putikan. Pinanood niya si Lucy na magmaneho palayo at nawawala na sa paningin niya Hindi makakalimutan ni Celine si Carly. Sa oras na ‘yon, lumapit si Benjamin. “Carly, kapatid mo siya. Siya si Celine!” Hindi makapaniwala na natigil si Carly. “Ikaw si… Celine?” Alam ni Celine na mababa ang tingin sa kaniya ni Carly. Bilang bata, inangatan siya ni Carly sa lahat ng pagkakataon. Siya lagi ang magaling. Kalaunan, nagkaroon siya ng relasyon kay Adam, ang tagapagmana ng pamilyang Alvarez. Dahil pinalaki sa yaman at pagmamahal, naging mapagmalaki at mayabang si Carly. Nagulat muli si Benjamin sa ganda ni Celine. Bumulong siya, “Hindi ko alam na ganito kaganda si Celine.” Malabo ang alaala ni Carly kay Celine noong mga bata sila dahil hindi naman siya naglaan ng atensyon siya hindi minamahal niyang kapatid. Pero hindi ba't si Celine ang ugly duckling sa probinsya? Lumapit si Carly. Tiningnan niya si Celine nang buong galit. “Celine, hindi ko inakala na mag-aayos ka tulad ‘ko.” Natahimik si Celine. Well, pwedeng isipin ni Carly ang lahat ng gusto niya basta masaya siya. Inayos ni Celine ang kaniyang likod at ngumiti habang walang sinasabi. Tumama sa maganda niyang mukha ang mahinang ilaw galing sa corridor. Hindi na siya ang Celine tulad noon. Bigla, nagsalita si Carly. “Celine, narinig ko na maghihiwalay na kayo ni Adam. Hindi mo kaya nang walang lalaki, huh? Kumuha ka ng mga lalaking escort para punuan ang kulang? Kung ako sa'yo, maghahanap ako ng trabaho.” Habang nakatingin kay Adam, mapang-asar na tono niyang sinabi, “Adam, matagal kang inalagaan ni Celine. Dapat tinulungan mo siya maghanap ng trabaho. Siguro ay isang katulong.” Dumapo ang tingin ni Adam kay Celine. Biglang sumagot si Benjamin, “Carly, lahat ng trabaho ay kailangan ng qualification. Ano ba ang education level ni Celine?” Mukhang may naalala na kakaiba si Carly. Inangat niya ang kaniyang baba habang nakangiti at sinabing, “Nag dropped out siya sa school noong 16 siya.”