Kabanata 495

Paglabas nila Tang Ruochu at Ying Xiaoxiao ng banyo, agad na sumigaw si Ling Yao sa kanila, “Mga hipag, tara na dito!” Mga hipag?! Kumunot ang noo ni Ying Xiaoxiao. Siya ba ang tinutukoy ni Ling Yao? Nakita ni Tang Ruochu na nalilito si Xiaoxiao at inasar niya ito ng nakangiti. “Tama! Tinatawag ka ni Ling Yao. Hindi ba’t mahirap masanay?” “Hindi pa nga talaga ako sanay.” “Masasanay ka rin.” hinila siya ni Tang Ruochu sa grupo ng mga lalaki. Hinampas ulit ni Lu Shengyao si Ling Yao sa ulo at galit niyang sinabi, “Sinabi ko sayo ‘wag mo na siyang tawagin na hipag, ginagawa mo pa rin! Ito ang parusa mo!” Halatang hindi siya natutuwa na tinatawag ni Ling Yao na hipag si Xiaoxiao. Sa ibang salita, hindi niya talaga itinuturing na isang girlfriend si Xiaoxiao. Syempre, madali itong maintindihan. Kung sabagay, nagpapanggap lang sila na magkasintahan. Tumingin si Tang Ruochu kay Xiaoxiao, na siyang halata ang pagkalungkot. Pagkatapos, sinabi niya ng malakas, “Anong problema, Shengyao?