Kabanata 1007 Isa Na Namang Kasunduan

Napatahimik ang tatlo. Walang kahit sino ang nagsalita. Nakatutok lamang ang kanilang mga mata sa kayamanan na nasa loob ng kahon, halos makalimutan na nilang huminga. Ilang sandali ang makalipas, si Gregory ang unang nakabalik sa reyalidad. Tinignan niya si Shimon habang mababa ang kanyang boses, “Isa lang ang pinadala niya?” Agad na napangiwi sa inis ang mukha ni Shimon. “Sapat na sa ang isa, hindi ba? Kung hindi niyo ako ginawang delivery boy, baka hindi mo makuha ang halamang ito!” Alam ni Gregory na hindi pagmamalabis ang sinabi ni Shimon. Napasinghal siya pero wala siyang sinabi. Inabot niya ang kanyang kamay at tinanggap niya ang kahon. Dahil nag-abala si Shimon na ihatid ang halaman rito, wala siyang balak na paalisin agad ito. Dinala niya ang lalaki papasok sa loob ng kanyang mansyon. Inabot niya ang kahon sa butler na si Mr. Osborne saka niya muling nilingon si Shimon. “Nasaan na ang cultivation manual? Pakibigay sa akin.” Hindi siya naniniwalang maitatanim ang gani