Kabanata 1008 Gagawin Ko Ang Sinasabi Mo

“Kailangang uminom ng asawa mo ng apat na pills bawat buwan. Hindi sapat ang isang Money Bead para sa kanya. Kailangan mo pa akong tulungan para hanapin ang lahat ng Arcane Jades. Kapag nakakuha ka ng isa, bibigyan kita ng isang Money Bead. Bukod pa roon, bibigyan rin kita ng Cultivation Manual. Ano sa tingin mo?” Napatahimik si Gregory at nag-isip-isip siya. Mga lima o anim nga lang ang prutas ng Money Bead na naibigay sa kaniya. Mukhang totoo ang sinasabi ni Jeff. Kaya, tumango siya. “Sige. Gagawin ko ang sinasabi mo.” Napangiti si Jeff. “Mahirap palakihin ang halamang ito. Kailangan mo itong itago sa isang madilim at mapanglaw na lugar; sa isang espasyo kung saan tanging liwanag lamang ng ng buwan ang makukuha nito. Hindi ito pwedeng itanim sa lupa dahil malalanta agad ito. Pwede lamang itong ilagay sa isang kahon na yari sa jade. Kapag mas maganda ang kalidad ng jade, mas maganda ang paglaki nito. Ganoon din, mas malaki ang mga prutas. Ibig sabihin, mas magtatagal ang epekto