Kabanata 17

“Paggawa ko ng istorya?” ang sabi ni Zhao fan na may kasamang panunuya. “Miss Gu, gusto mo bang ilabas ko ang ebidensya para suportahan ang sinasabi ko? “Paano…” takot na sinabi ni Gu Ruoruo, at mabilis siyang nanliit. Ito ang senyales na may kasalanan talaga siya! Madaling napansin ng madla ang pagbabago sa pag uugali ni Gu Ruoruo, at ang tingin sa mga mata nila’y mabilis ding nagbago. Mabilis na nagpaliwanag si Gu Ruoruo, “Teka… Wala akong ginawa! Yinfeng, alam mo kung gaano kita kamahal! Sinungaling ang lalaking ito. Dapat ka kumuha ng gwardya para paalisin siya sa ballroom ngayon na.” “Miss Gu, siguro ay hindi ka aamin hangga’t hindi ako maglalabas ng ebidensya!” ang sabi ni Zhao Fan na may kasamang ngisi bago siya dumukot sa bulsa, nilabas ang maraming litrato, at pinamigay ito. Si Zhao Fan at Gu Ruoruo ay magkasama sa loob ng mga litrato. Bagama’t hindi sila nahuling nasa isang nakakahiyang eksena, klaro dito na sila ay nagyayakapan at naghahalikan na parang tunay na magkasi