Kabanata 18

Hindi alam ni Tang Ruochu na kanyang nakuha ang mapait na galit ni Gu Ruoruo. Kahit na malaman niya ito, hindi niya rin naman pagbibigyan pansin dahil kinamumuhian niya si Gu Ruoruo higit pa sa pagkamuhi ni Gu Ruoruo sa kanya. Hindi na siya nagtagal sa loob at matapos niyang lumabas sa ballroom ay lumabas na siya nang tuluyan at kumuha ng taksi para bumalik sa tahanan ni Lu Shijin. Ang unang taong naisip niya pagkatapos niya makatanggap ng panlalait at panghahamak nang gabing iyon ay si Lu Shijin. Ang lalaking iyon ay malamig at hindi malapitan, pero lagi siyang nakakatulong sa paglimot ng kanyang mga pagkabigo at pagkabalisa. Ligtas at ginhawa ang laging nararamdaman ni Tang Ruochu dahil sa kanya. Nakatuon ang pansin niya sa pagpunta sa kanilang bahay at hindi niya napansin ang taong nakatayo malapit sa kanya. “Honey,” mahinang tawag ng lalaki, at ang boses niya ay parang preskong hangin sa madilim na gabi. Hindi napigilang lumingon ni Tang Ruochu sa direksyon ng boses. Nakita