Kabanata 927

Papapasukin niya ba si Elliot o hindi? Sa totoo lang, wala naman talagang galit si Mike kay Elliot at kung hindi nga lang dahil kay Avery, baka sobrang close niya pa ito. Habang iniisip ni Mike kung anong gagawin niya, biglang naglakad papunta sa gate ang bodyguard ni Avery at pinag buksan si Elliot. Gulat na gulat si Mike. Sigurado siya na kung nandoon si Avery, malamang pagdidilatan nito ang bodyguard at sasabihing, “Kanino ka ba talaga kampi?” Ilang beses na siyang tinanong ng ganun ni Avery! “Aba! Porket wala si Avery, ikaw na ang may ari ng bahay!” Sarcastic na sabi ni Mike sa bodyguard. Nanindigan ang bodyguard, “Alam ko namang pagbubuksan mo rin siya, magpapakipot ka lang kaunti kaya ako na ang gumawa.” “Ahhh hindi ka lang pala bida-bida… Mapagbintang ka rin!” Sa pagkakataong ito, hindi na sumagot ang bodyguard at umalis nalang. Lumapit si Elliot kay Mike, “Nandiyan ba ang mga bata?” Tumaas ang kilay ni Mike. “Alam ko naman na ang mga bata ang pinunta mo rito