Kabanata 745

Siguro mas mahirap para sakanya na tanggaping mawawala ang anak niya matapos niyang pwersahing buntisin si Avery. Noong nalaman niyang buntis si Avery, walang mapaglagyan ang saya niya lalo na kapag nakikita niya ito sa monitor sa tuwing iuultrasoundito. “Kapag may nangyaring masama kay Robert, kahit pa hindi ka galit sa akin, hinding hindi na kita guguluhin.” “Pati yung mga anak ko, hahayaan ko na sila.” Ito ang mga salitang gusto niya sanang sabihin kay Avery pero hindi niya kaya. Hindi siya kinikilalang tatay nina Hayden at Layla. Malakas ang kutob niya na kahit pa siguro mamatay siya, hinding hindi pa rin siya matatanggap ng mga ito. Sobrang nalungkot si Avery sa naging sagot ni Elliot. Buhay pa si Robert! Bakit nagluluksa na sila na parang wala na ang anak nila! Hindi na sumagot si Avery kaya tinignan ito ni Elliot. Nang makita niya kung gaano ito kamukhang pagod, hinila niya ito at hiniga ang ulo nito sa balikat niya. “Matulog ka muna. Magiging okay din si Rober