Kabanata 677

Nagulat si Jeremy nang marinig niyang tinawag ni Madeline ang pangalan niya sa gitna ng tunog ng mga busina ng mga sasakyan. Muling napalitan ng tamis ang pait na nasa puso niya noong marinig niya ang mga salitang matagal na niyang hinihintay na marinig mula sa mga labi ni Madeline. Natuwa si Jeremy at lumingon siya sa pinanggalingan ng tunog. Paglingon niya, naramdaman niya ang hangin mula sa kotse na palapit sa direksyon niya. Nakaramdam siya ng matinding kaba sa kung anong posibleng mangyari sa mga sandaling ito, at sa hindi inaasahan, biglang may yumakap sa kanya. Buong lakas na tumalon sa kanya si Madeline at napahiga sila sa kalsada habang yakap ni Madeline ng mahigpit si Jeremy. "Linnie." Nabigla si Jeremy at niyakap rin niya ng mahigpit si Madeline. Sa mga sumunod na sandali, dumaan sa ibabaw nila ang malalaking truck. Napakalakas at mainit ang hangin sa ilalim ng mga truck, ngunit pinagpapawisan ng malamig ang mga palad ni Madeline. Noong marinig niya ang tuno