Kabanata 676

Bahagyang nagbago ang ekspresyon ng mukha ni Jeremy noong marinig niya iyon. Alam niya na si Felicity ang tinutukoy ni Madeline, pero hindi niya alam kung anong itsura ni Felicity at nagulat din siya na kamukha ni Felicity si Madeline. 'Nagsasabi ba siya ng totoo?' Sa kabila ng mga pagdududa niya, ngumiti lamang si Jeremy. "Nakilala ko lang si Fel pagkatapos 'kong mabulag. Hindi ko nga alam kung anong itsura niya." "Fel? Palayaw niya ba yun? Mukhang napakaganda ng relasyon mo sa kanya, tama ba?" "..." Tinikom ni Jeremy ang kanyang mga labi. Hindi niya malaman kung anong ibig sabihin ni Madeline, pero ngumiti pa rin siya at tumango. "Oo, maganda ang relasyon namin ni Felicity. Nagkasundo kami agad noong una kaming magkakilala. Siya ang naging liwanag sa madilim kong mundo. Siya ang nagturo sakin kung paano magmahal ng tunay." Sinabi niya ang isang bagay na hindi niya pinaniniwalaan at pinilit niyang ngumiti. "Ms. Montgomery, kung pinapunta mo lang ako dito para tanungin