Kabanata 396

"Naaksidente si Ava. Hindi maganda ang kalagayan niya. Gusto ka niyang makita sa huling pagkakataon bago siya mawala." Napahinto sa paglalakad si Madeline nang maramdaman niya na kumabog ng malakas ang kanyang dibdib. Huminga siya ng malalim, mayroon siyang pakiramdam na ito ay isang pagsubok mula kina Daniel at Ava. Paanong naaksidente sa sasakyan si Ava? Imposible, siguradong ayos lang siya! Tahimik na nag-isip si Madeline habang naiinis siyang nakatingin kay Daniel. "Hindi ko kilala ang taong sinasabi mo. Please tantanan mo na ako." Nagmadali siyang umalis, ngunit bumilis ang tibok ng puso niya. Puno ng kalungkutan ang mga mata ni Daniel habang nakatingin siya kay Madeline. "Ganyan ka na ba kawalang puso, Madeline? Best friend mo si Ava. Gusto mo bang lisanin niya ang mundong 'to ng hindi mo man lang nasasagot ang mga tanong niya?" Malinaw na narinig ni Madeline si Daniel sapagkat hindi pa siya nakakalayo nang magsalita siya. Ngunit, nanatiling matigas ang kanyang puso.