Kabanata 309

Tumingin si Meredith kay Jeremy gamit ang mga mata niyang puno ng paghihinagpis at puno ng galit ang pagsasalita niya, "Jeremy, anak natin si Jack. Hindi ko siya hahayaang masaktan. Paano ko siya magagawang iwan?" Pagkatapos niyang sabihin yun, lumapit sa kanila sila Eloise at Jackson. Tumingin siya ng masama kay Madeline. "Ms. Quinn, ang dinig ko malapit ka nang ikasal sa tito ni Jeremy, kaya bakit umaaligid-aligid ka pa sa fiance ng anak ko? Hindi ka ba sinabihan ng magulang mo na nakakahiyang gawin mo 'to?" Ngumiti lamang ng mahinahon si Madeline sa kabila ng mga pang-iinsulto ni Eloise. "Maganda ang tanong mo Mrs. Montgomery. Hindi nila tinuro sakin yun kasi noong pinanganak ako, inuwi nila ang anak ng ibang tao at inabandona ang tunay nilang anak dahil sa kapabayaan nila." Noong binanggit ni Madeline ang naging karanasan niya sa buhay, biglang tumingin sa kanya si Jeremy. Nang makita niya ang eleganteng ngiti sa magandang mukha ni Madeline, nakaramdam siya ng kirot sa kany