Kabanata 2256

"Ano? Ni-report ako ni Ava? Paano siya nagkaroon ng ebidensya laban sa'kin? Paanong nangyari yun?" Mariin itong tinanggi ni Chloe. Naiinip na tinignan ni Naya si Chloe. "Hindi ko alam kung paano ka niya ni-report. Nagpadala ang mga pulis ng tao para arestuhin ka, at pinatawag ako sa istasyon ng pulis para tumulong sa imbestigasyon. Nakita ko to gamit ng dalawang mga mata ko, kaya mas makabubuti kung tatakas ka na ngayon." "Tatakas? S-Saan ako tatakas?" Namutla sa pagkataranta si Chloe. Sa wakas, nilipat niya ang kanyang tingin kay Naya at nanghingi ng tulong, "Naya, kailangan mo akong tulungan. Ginawa ko to para sa'yo—" *Para sa'kin? Ginawa mo to para sa sarili mo at sa pera, hindi ba?" Hindi hinayaan ni Naya si Chloe na magsalita at pinutol siya kaagad. "Oo nga pala, isa rin akong biktima sa aksidenteng ito. Pinakiusapan mo ako na turuan ng leksyon si Ava, pero ngayon, nagkaganito na ang mga bagay. Wala akong ginawa, pero nadadamay ako dahil sa'yo. Malamang ay maakusahan ako