Kabanata 140

Lalong lumakas ang ulan habang nakaluhod si Madeline sa lupa. Natataranta siyang nangapa sa paligid niya. Dumaan ang ilang sasakyan sa tapat ni Madeline at paulit-ulit siyang natalsikan ng tubig. Subalit, hindi pa rin niya mahanap ang payong niya. Paaandarin na sana ni Jeremy ang sasakyan, ngunit hindi niya mapigilang tumingin sa rearview mirror. Napansin ito ni Meredith at agad niyang kinuha ang atensyon ni Jeremy. "Jeremy, tara na. Ipapatingin pa natin sa doktor yung mukha ni Jack." Lumingon si Jeremy. "Huwag kang mag-alala, hindi magkakapeklat sa mukha si Jack." "Hindi ko inasahan na magagalit ng ganito si Maddie sakin. Hindi ko rin inakala na uupa si papa ng mga tao para sugatan yung mukha ni Madeline para lang maiganti kami ni Jack." ang sabi ni Meredith. "Jeremy, hindi ka naman siguro magagalit sa papa ko, di ba?" "Loko ka, bakit naman ako magagalit sa kanya?" Ngumiti si Jeremy. Muli siyang tumingin sa rearview mirror. Nakita niyang tumayo si Madeline nang mahanap