Kabanata 1278

Naghahanap pa rin ang mga kasamahan ni Jeremy. Nakakaramdam sila ng awa para kay Jeremy. "Jeremy, maggagabi na. Bumalik na muna tayo sa ngayon." "Mauna na kayo." Walang balak tumigil si Jeremy. Hindi siya mapapanatag kung hindi siya makakahanap ng kahit anong senyales na dumaan nga dito si Madeline. "Wala tayong mapapala kung ipagpapatuloy natin ang paghahanap ng ganito. Bakit hindi natin subukang tawagan ang ilang mga organisasyon dito at humingi tayo ng tulong sa kanila sa pamamagitan ng pagkuha ng mga surveillance footave? Pagkatapos, tingnan natin kung makakahanap tayo ng mga impormasyon mula doon?" Nahimasmasan si Jeremy pagkatapos niyang marinig ang suhestiyon ng kanyang kasama. Humina at bumagal na ba ang pag-iisip niya? Hindi na ba niya kayang mag-isip ng tama dahil masyado siyang nag-aalala kay Madeline? Hindi na nag-aksaya ng oras si Jeremy, agad niyang tinawagan ang mga lokal na organisasyon. Di nagtagal, nakuha niya ang lahat ng footage mula sa kalapit na kalsada.