Kabanata 93

“Ah! May multo!” “Tulong!” Ang lahat ay nagsimulang sumigaw nang napakalakas—walang sinumang karaniwang tao ang may kayang titigan ang ganoong nakasisindak na eksena. Ang bungo na nabuo sa itim na usok ay kontrolado ni Master Vaudou. Sa isang malakas na sigaw, kumagat ang bungo sa braso ni Azure. Kahit na nagawa ni Azure na makatanggap ng ilang tama dahil sa mala-halimaw niyang katawan, hindi niya kayang tapatan ang masamang espiritu na ‘to. Nagsimulang sumigaw si Azure sa sakit at naramdaman ng pagyanig ng kaluluwa niya sa loob ng katawan niya. Ang masamang espiritu ay sinisipsip ang dugo at kaluluwa ng isang tao. Ito ay nagsanhi kay Azure ng matinding sakit. Dahil si Jarsurya ay inimbita ni Azure, hindi niya magawang tumayo lang doon at walang gawin. Humiyaw siya sa espiritu at sinabi, “‘Wag mong saktan ang inosente, demonyo ka! Wala akong ibang magagawa kung ‘di ang palayasin ka sa mundong ‘to!” Naglabas si Jarsurya ng isa pang talisman at binato ang kaniyang Chi roon. Ang mga letra