Kabanata 230

Hinila ni Rosa si Selena sa isang sulok. "Selena… sabi nila barumbado daw ang asawa mo at talagang naniwala ako sa kanila," Bulong ni Rosa. "Di ko inakalang marunong siyang tumugtog ng piano, at ang galing niya pang tumugtog." "Di na ako naniniwalang isa siyang barumbado… ang kahit sinong marunong tumugtog ng piano ay hindi magiging isang barumbado!" Dagdag niya. "Tingin ko isa siyang matalinong tao na marunong lumaban at tumugtog ng piano!" "Hmm… naging maladiyos na ba siya sa paningin mo?" Natawa si Selena dahil parang masyado atang mabilis ang pagbabago ng ugali niya. Bumuntong hininga si Rosa. "Pagkatapos ko itong pag-isipan kanina, siguro kalokohan lang yun na gawa-gawa ni Rachel. Hay, sumosobra na talaga ang babaeng yun kasi mukhang di ka na niya gusto noong nasa unibersidad pa lang tayo. Lagi niyang iniisip na inaagaw mo sa kanya ang spotlight." "Nakapagtapos na tayong lahat atsaka sobrang tagal na nun. Akala ko nakaraan na yun at di na natin masyadong iniisip. Di ko