Kabanata 808 Matinding Pagnanais

Hindi makalimutan ni Gregory ang mukha ni Vickie sa pagkakataong iyon. Dati, mahal na mahal siya ng babae, pero pagkatapos ng insidente, kalaban na lamang ang tingin sa kanya ni Vickie. Kung tuwa at sigla ang makikita sa mukha ni Vickie dati, kinalaunan naging galit at pagkamuhi na lamang ito. Para bang nakatitig si Vickie sa isang estranghero. Hindi makalimutan ni Gregory ang ekspresyong iyon. Lumuwag ang hawak ni Gregory. Muling natumba si Yuliana Lynch pabalik sa sopa. Para bang nakatakas siya sa kapahamakan. Agad niyang tinakpan ang kanyang bibig at umubo siya nang malakas. Malamig siyang tinignan ng lalaki. Walang init sa titig ni Gregory at para ba itong isang kutsilyo na handang saksakin ang babae. Tumalikod si Yuliana saka yumuko. Ayaw niyang tignan ang mga mata ng lalaki. May masamang kutob sa loob ng kanyang puso at pakiramdam niya hindi siya makakatakas kung sakali. Habang nag-aabang siya na mapatawad siya ni Gregory, biglang nagsalita ang lalaki. “Sabi mo… mahal