Kabanata 614 Nakatitig Nang Walang Sinasabi

“Lucy, kumusta ka na? Ayos ka lang ba?” Mabilis na tumakbo si Mace papunta kay Lucy nang pakawalan siya ng mga bodyguards. Subalit, napasimangot nang bahagya si Lucy at napaatras siya nang makita ang ligalig sa mukha ni Mace. Hahawakan na sana ni Mace ang babae pero napatigil siya sa ere. Tinitigan siya ni Lucy saka sinabing, “Ayos lang ako. Salamat sa pag-aalala mo.” Nannigas ang katawan ni Mace nang makita ang reaksyon ng babae. Nang mapansin ito, agad niyang ibinaba ang kanyang kamay at saka ngumiti nang mahina. “Masaya ako na maayos ang kalagayan mo. Nag-aalala lang ako kaya napadpad ako rito.” Tumango si Lucy. Pagkatapos nito, wala nang nagsalita sa kanila. Awkward ang sitwasyon. Dati, madalas na pinag-uusapan nila ang lahat, pero ngayon, nakatitig na lamang sila sa isa’t isa nang walang sinasabi. Maraming gustong banggitin si Mace kay Lucy. Subalit, wala siyang mabanggit sa harap ng mukha nito. Pumakla ang damdamin ni Mace. Para bang ayaw na siyang kausapin ni Lucy. Nan