Kabanata 448 Pag-alala sa Nakaraan

Nanginig ang puso ni Janet, para bang isa siyang usang nahulog sa patibong. Ramdam niya ang pagbilis ng tibok nito. Lumingon siya palayo upang hindi makita ang mukha ng lalaki. Nagmamadali ang kanyang kilos, tila ba halatang may iniiwasan siya. Matapos ang isang sandali, natapos na sa paninigarilyo si Liam at tumayo. “Tara na!” Tumayo na rin si Janet at saka nagtanong, “Saan tayo pupunta?” “Sa isang bahay na higit sampung milyon ang halaga—ayaw mo bang makita?” Naglakad sila palabas ng Oriental Hotel at saka pumasok sa kotse ni Liam. Umandar ito at mabilis nilang tinahak ang daan. Hindi nagtagal, nakarating na rin sila sa paanan ng Anshan. Ilan taong rin hindi nakapunta si Janet rito. At ngayon, hindi niya inakalang walang nagbago. Ang mga berdeng bricks at tile, ang ilog sa ilalim ng tulay—kahit sampung taon na ang lumipas, pamilyar pa rin ang lahat sa kanya. Naalala niya pa noong ipinadala siya rito para sa kanyang drawing classes. Saglit lamang ito pero isa ito sa kanyang