Kabanata 380 Hindi Masabing Pagdurusa

Ilang araw ang lumipas at hindi natigil ang paulit-ulit na pagtawag ng Old Fourth Cecil sa kanya. Kinukulit siya nito tungkol sa pera. Halos masiraan ng bait si Lucy. Ilang beses niya nang gustong sumuko at hayaan na lamang na magkaroon siya ng iskandalo sa taong ito! Kahit mahal niya ang pag-arte at gusto niyang maging aktres, mas mabuti sigurong isuko niya na ang lahat. Wala na siyang pakialam kung mawala ang lahat ng sa kanya! Subalit, muling naisip ni Lucy ang kalagayan ng kanyang inang nasa ospital. Agad na nawala ang pakiramdam na gusto niyang sumuko. Hindi pwedeng may mangyaring masama sa kanyang ina! Paano na lang kung mahimatay ang mama niya? Ganoon din, nakatanggap si Lucy ng isang tawag mula kay Susan. Prangka ito at hindi na nagpaligoy-ligoy pa. Pagkasagot ng tawag, diretsahan niyang sinabi. “Kailangan mo ba talaga ng pera?” Napahinto si Lucy saka tumango. “Oo.” “Sige, may showcase na magaganap sa Century City bukas. Iilang mga artista na hawak ng kaibigan ko ang