Kabanata 34 Hintayin Siya Bago Kumain

Nanigas ang katawan ni Nell na para bang hahatulan na siya. Subalit, wala namang ginawang kahit ano si Gideon. Nagpalit lamang ito ng kanyang pantulog saka tumabi sa kanya. Sunod, niyakap nito si Nell mula sa likod. Hindi makagalaw si Nell. Napuno ang ere ng mahinang amoy ng pinewood, at ang unan ay puno rin ng malamig na bango ng lalaking ito. Kasama ang mainit nitong temperature, nararamdaman niyang nalulunod siya sa pagkatao nito. Para bang isa siyang ibong nasa kulungan, hindi siya makatakas. Sa kabutihang palad, mukhang totoo naman ang sinasabi ni Gideon. Kahit nakayakap ito nang ganito sa kanya, wala naman itong ginawang masama. Hindi makahinga nang maayos si Nell. Kahit napigilan niya mang maunang makatulog, ang hininga ng lalaking nasa likod niya ay sapat na para bumagsak rin ang kanyang mga mata. Mamaya-maya, nakatulog na rin siya. Nang magising siya, dapit-hapon na. Hindi inakala ni Nell nag anito kahaba ang magiging tulog niya kaya gulat na gulat siya. Nang tignan