Kabanata 31 Hindi Siya Ang May Sala

Para bang nakarinig si Nell ng isang biro. Tinignan niya nang sarkastiko si Jason. “Sinasabi mo bang sila lang ang nasa mali? Hindi ka kasama?” Nanigas nang bahagya si Jason. Huminga siya nang malalim at saka nagpaliwanag. “Hindi ko alam na nilagyan nila ng droga ang inumin mo. Napansin ko ring may mali sa iyo, pero hindi umabot sa gano’ng direksyon ang naisip ko. Sa pagkakataong iyon, gusto sana kitang tulungan, kaya lang biglang sumakit ang tiyan ni Celine. Hindi ko siya maipagsawalang bahala.” Napataas ang kilay ni Nell. “At? Nalaglag ba ang bata?” Napatigil si Jason bago sumagot, “Hindi.” “Dahil hindi, bakit naman sasakit ang tiyan niya? Bukod pa roon, maayos rin naman siyang tignan sa una. Parang wala namang senyales na malalaglagan siya ng bata!” Nanlamig nang bahagya ang mukha ni Jason. “Anong gusto mong iparating?” Tumawa si Nell na para bang walang pakialam. “Wala naman. Iniisip ko lang na ang gano’ng klase ng pag-arte ay sapat na pala para maloko ka, mukhang masyadon