Kabanata 150 Hindi Siya Bagay

Matapos pumasok ng studio, dumiretso agad si Gareth sa tagpi-tagping sopa ni Tim na nasa kabilang bahagi ng working desk nito. Habang nakaupo sa kanyang mesa, inangat ni Tim ang kanyang mga mata saka sumulyap nang walang sinasabi. May binubutingting ito sa kanyang kamay habang maririnig ang tunog ng keyboard. Tila ba may sinusulat ito. Dahil ayaw niyang makaabala, umupo lamang si Gareth doon habang naka-dekwatro. Nagsindi siya ng isang sigarilyo at saka mapagpasensyang naghintay. Matapos ang kalahating oras, tumigil na si Tim sa kanyang ginagawa at napatayo. Kumuha rin ito ng inumin. “Bakit andito ka? Magsalita ka lang.” Halos masamid sa galit si Gareth sa prangkang pananalita nito. Tumugon na lamang siya ng pagalit, “Hindi ba kita pwedeng hanapin nang walang rason?” Malamig na ngumiti si Tim. “Hindi mo naman ako hahanapin kung wala kang rason.” Gareth, “…” Nagkakilala sila sa university at simula noon, naging matalik na silang magkaibigan. Talentado ang dalawang ito. Para ma