Kabanata 122 Tumalon ng Bintana Para Makatakas

Kahit hindi na nila pansinin ang reaksyon ni Wilburn the Second, pero kahit ang pinakatahimik at pinakakalmado na si Owen Jackman ay nagulantang rin. Habang inaayos ang kulay gintong salamin, napatanong si Owen, “Gideon, hindi ka ba talaga nagbibiro? Hindi… ka ba nag-imbento ng tao para may kumalat na tsismis?” Kahit si Elijah at Gideon ang pinakamalapit sa isa’t isa, mas alam naman ni Owen ang kondisyon ng katawan ni Gideon. Wala ng ibang dahilan kung bakit niya ito alam kundi dahil sa negosyo ng pamilya niya—ang pagpapatakbo ng mga ospital at pagbebenta ng medisina. Dahil malapit siya sa lahat pati kay Gideon, lagi niyang pinapaalala na ingatan ang kanilang mga katawan. Ganoon din, alam ni Owen na hindi bakla si Gideon. Ang kanyang oryentasyon at paggana ng iilang bahagi ng katawan ay ayos lang naman! Siguro may iba pang dahilan kung bakit ayaw nito sa babae. Nang sulyapan si Owen, ngumiti nang bahagya si Gideon. “Malalaman mo rin sa susunod na magkita tayo.” Napatigil si Ow