Kabanata 23

Kahit na nagmamadaling magtungo si Rose sa Horizon Colors, ang nagsisikipang kalsada at maikling oras na mayroon siya ay naging dahilan nanaman kung bakit siya nahuli. Nakatayo si Jay sa hardin na balkonahe sa ikalawang palapag ng villa at tumitig kay Rose na nagmamadali. Isang ngisi ang lumitaw sa malamig niyang mukha. “Binibining Rose, nahuli ka na naman.” Narinig ni Rose ang nakatitindig-balahibong tunog mula sa ibabaw niya at ang kaniyang kaluluwa ay muntik nang humiwalay sa kaniyang katawan dahil sa takot. Nang tumingin siya sa taas upang makita si Jay, siya ay nabati ng kaniyang sinumpaang ngiti. Hiningal si Rose at sinubukang habulin ang kaniyang hininga. Ang kaya niyang ilabas pagkatapos ng pagtakbo ay magkakasunod na hindi makabuluhang mga salita. “Ginoong-- Ares-- ‘Yong kalsada-- Pagmamaneho…” Pagkatapos ng ilang salita, nagsimula siyang huminga nang malalim. ‘Ginoong Ares ang kalsada pagmamaneho, huh? Kakaibang pangungusap.’ Ang gwapong mukha ni Jay ay naging kasing dilim ng