Kabanata 16

Kinabukasan, nakaupo si Celine sa wicker chair habang nagbabasa ng libro sa loob ng apartment. Samantala, galit na naglalakad si Robin, sumisigaw sa abot ng makakaya niya. “Anong problema sa tangang ‘yon? “May sira ba siya sa ulo o ano? Iniwan niya nang mag-isa ang asawa niya para alagaan ang babae na yon na si Carly! At ang Carly na ‘yon—Ugh! Masama na nga ang maging kabit pero ang i-droga pa ang sarili niya? Sobra na ‘yon!” Galit na galit si Robin. Nang pumunta siya para sunduin si Celin kagabi, nakita niya itong nakaupo sa sahig, yakap ang kaniyang mga tuhod. Nang inangat ni Celine ang ulo niya, puno ng luha ang mata niya, mukhang pusa na iniwan ng amo niya. Hindi mapigilan ni Celine na tumawa. Nagrereklamo si Robin tungkol kay Adam at Carly mula kagabi, at nakakamangha talaga ang fighting spirit niya. Ang totoo, matagal na natutunan ni Celine na pagalingin ang sarili niya kapag nanghihina. Binuksan niya ang balot ng candy at isinubo sa kaniyang bibig. Kumalat ang tamis, bahagy