Kabanata 164

Galit na si Adam. Hindi niya nagustuhan ang sinabi ni Celine na ito na ang huling beses at hindi na siya dapat bumalik pa sa kanya sa susunod. Lumapit ang malalambot at mapulang labi ni Celine para halikan siya, pero tinulak siya ni Adam, halatang inis. Pero imbes na lumayo, mas lalo lang humigpit ang yakap ni Celine sa leeg niya. "Adam, bawal mo akong itulak palayo." Kumikinang ang mga mata ni Celine nang tumingin siya kay Adam. Malinaw niyang sinabi ang bawat salita sa malambing niyang boses. “Katulad pa rin ng dati ang mga rules. Sikreto natin ito, hindi ko sasabihin kay Carly ang tungkol dito.” Pagtapos, hinalikan ulit siya ni Celine. Nag-umpisang mamula ang sulok ng mga mata ni Adam, parang isang mabangis na hayop na nakatikim ng dugo sa unang pagkakataon at hindi mapigilang hanap-hanapin ang masarap na lasa nito. Lalo pa siyang nag-init dahil sa pagiging agresibo ni Celine sa kaniya. Sa halip na pigilan siya, binaliktad ni Adam ang sitwasyon. Mahigpit niyang hinawakan a