Kabanata 144

Hindi tumigil sa pag-iyak si Celine, at marahang pumapatak sa tubig ang mga luha niya. “Wala kang ibang ginawa kundi sigawan ako! Anong mali kung naka-makeup ako? Anong mali sa paglagay ng lipstick? Si Carly nga araw-araw naglalagay ng makeup at lipstick, pero kahit kailan hindi mo siya sinigawan!” “Siguro kung siya yung nakidnap, malamang yakap mo na siya ngayon, pinapatahan, tinatawag na 'baby' mo! Pero ako… galit ka lang sakin! Bakit ba gali na galit ka sakin?” Naging paghikbi ang mga salita ni Celine. Nanginginig na siya ngayon, ang kaniyang mga balikat ay nanginginig sa bawat hirap niyang paghinga. May bahid ng mga luha ang mukha ni Celine—namumugto ang mga mata, mapula ang ilong, at balat na kumikinang sa pagkabasa—ay tila napakarupok, na parang matutunaw siya kasabay ng mga luhang patuloy na bumabagsak. Nagbago agad ang ekspresyon ni Adam. Walang pag-aalinlangan, lumuhod siya sa tabi ng bathtub. "Celine, tama na. Huwag ka nang umiyak.” Hindi siya sanay na nakikitang umiiya