Kabanata 20

Malamig akong tumawa. “Dad, tapos na. Hindi na ako pwede umatras ngayon. At saka, hindi karapat-dapat na balikan si Yvonne.” Bumuntong hininga si Dad. “Kung ganoon anong plano mo? Magkahiwalay niyong papalakihin ang mga bata?” Tumango ako. “Sa ngayon, ‘yon lang ang paraan. Gagawin ko ang lahat para ibigay kay Jonas ang pinaka magandang buhay.” Natahimik si Dad nang ilang sandali at sinabi niya, “Cole, huwag mong kalimutan na kahit ano pa ang mangyari, anak ka pa rin namin. Kakampi mo kami lagi ng mom mo. Sabihin mo sa amin kapag kailangan mo ng tulong.” Gumaan ang loob ko, tiningnan ko si dad. “Salamat, Dad. Gagawin ko ‘yan.” Gabi na nang makaalis kami sa bahay ng magulang ko. Nakatulog si Jonas sa sasakyan. Maingat ko siyang binuhat papasok sa bahay at inilagay sa kaniyang kama. Pagkatapos makaalis sa kwarto nang tahimik, umupo ako sa couch ng living room at binuksan ang phone ko. Ilang push notification ang lumabas sa screen. Lahat ng ‘yon ay balita tungkol kay Jared. Habang n