Kabanata 88

Sa panaginip lang ni Luna makikita ang mapagmahal at mapag alaga na si Joshua. Minahal niya ng maraming taon si Joshua, ngunit hindi nito binalik ang pagmamahal sa kanya. Ngunit sa panaginip niya, nararamdaman niya ang pagmamahal at alaga ni Joshua. “Magiging ayos ka lang.” Habang may malay pa siya ng kaunti, narinig niya ang paulit ulit na salita ng lalaki sa kanya. Ngumiti ng mapait si Luna. Ang ganda siguro kung patuloy lang siya sa panaginip at hindi na siya gumising mula dito... … Pag gising ni Luna, dumating na ang umaga. Bago pa niya ibukas ang kanyang mga mata, napuno ng amoy ng disinfectant ang ilong niya. Kumunot ang noo niya at nahirapan siyang idilat ang kanyang mga mata, pinilit niya ang sarili niya na gumising. Nasa loob siya ng ospital. At nasa loob siya ng ICU. May kasama siyang isang tao sa loob ng kwarto—isang lalaki. May suot itong oxygen mask habang nakahiga ito sa isang kama sa tabi niya. Nakapikit ang mga mata nito, makikita ang matulis na kilay at maha