Kabanata 34

Kumunot ang noo ni Frank—humingi si Helen ng tulong kay Vicky? Kung ganun ‘yun pala ang dahilan kung bakit nagpunta dito si Yara! Gayunpaman, bago niya masabi kay Helen ang tungkol kay Yara at Vicky, itinulak siya palayo ni Helen. Agad niyang hinawakan ang kamay ni Helen. “Mayroong hindi pagkakaunawaan dito—” “Tama na. Bahala ka kung gusto mong maging tuta ni Vicky Turnbull.” Kumawala si Helen mula sa kanya at naglakad siya paalis sa sobrang inis. Tiningnan naman siya ng masama ni Gina. “Para sabihin ko sayo, tinawagan ni Helen si Ms. Turnbull, pero wala siyang pakialam kung mamatay ka. Pero nagmakaawa pa rin ang anak ko kay Leo Grayson para sayo—patay ka na sana ngayon kung hindi dahil sa kanya!” Inirapan niya si Frank, at umalis siya kasama si Sean, na may malaking ngiti sa kanyang mukha dahil siya lang ang pinakamasayang tao doon. Samantala, naiwang nakatayo doon si Frank at nag-iisip. Nagulat siya na pinuntahan ni Helen si Leo upang magmakaawa para sa kanya—talagang n