Kabanata 221

Bumaba si Frank mula sa sasakyan at tumingin siya sa mga tulisan sa paligid niya. Napapaligiran nila siya, ngunit takot din silang lumapit—sariwa pa sa kanilang mga alaala ang pagkawasak na iniwan niya kahapon. Maging si Phineas ay nakaramdam ng pangingilabot noong nakita niya ang nanlilisik na mga mata ni Frank. “Nasaan si Helen?” Galit na tanong ni Frank. “Nandito!” Sumigaw si Rolf mula sa ikalawang palapag, hawak niya si Helen sa leeg gamit ng maayos niyang braso. Tumingala si Frank at nagulat siya nang makita niya si Rolf. “Takbo na, Frank!” Sumigaw ng ubod ng lakas si Helen. “Patibong ‘to!” Alam niya na malakas si Frank at hindi siya kayang talunin ng mga simpleng hudlum lang, ngunit napakarami nila dito at armado silang lahat. At mag-isa lang si Frank—kumbinsido siya na mamamatay si Frank. Yung totoo, walang pakialam si Frank sa mga tauhan ni Phineas, dahil ang matalim niyang tingin ay nakapako lamang kay Rolf. “Wala siyang kinalaman dito. Pakawalan mo siya, at mag-usap