Kabanata 159

Namula si Yara at ibinaba niya ang kanyang tingin, iniwasan niya ang mga mata ni Frank. Wala siyang ibang pagpipilian—kailangan niyang magbigay ng katanggap-tanggap na dahilan sa kanyang ama, dahil maaaring saktan ni Neil si Frank. Gayunpaman, wala siyang maibigay na dahilan at kinailangan niyang sabihin sa kanyang ama na boyfriend niya si Frank upang sa wakas ay tulungan siya ng kanyang ama. "Oh… Kasi…" Ang sabi ni Frank, hindi niya alam kung ano ang sasabihin niya. "Isang buwan pa lang kami, Dad," ang reklamo ni Yara. "Huwag ka nang magtanong." Ngumiti si Robert. "O sige, kung ‘yan ang gusto mo." Sa tabi niya, nagflex ng kanyang mga muscle si Stan. "Hindi magiging ganun kadali kung gusto mong maging brother-in-law ko, Mr. Lawrence. Kailangan mo munang dumaan sa’kin." Sumakit ang ulo ni Frank sa puntong iyon—kailanman ay hindi niya nagig intensyon ‘yun! Natawa si Robert. "Hayy, sinabi na ng anak ko. Kailangan magawa mo siyang talunin para maprotektahan mo si Yara, hindi ba?"