Kabanata 876

Napalingon siya at sumalubong sa kanya ang nakakatakot na ekspresyon ni Jeremy. “Jer-Jeremy…” Natataranta siyang tumingin sa lalaking palapit sa kanya. Tinulak niya ang kamay ni Madeline, tumalikod siya at tumakbo palayo, subalit biglang may humablot sa kanyang leeg bago pa man siya makalayo. Katatapos lang sakalin ni Madeline si Meredith nang muling makaramdam si Meredith ng may sumasakal sa kanya. Parang yelo ang mga daliri ni Jeremy, nanuot ang lamig sa balat ni Meredith at nanginig siya dahil dito. Pakiramdam niya ay papatayin talaga siya ni Jeremy. Bumugso ang galit ni Jeremy at humigpit ang hawak niya sa leeg ni Meredith. Muling bumuka ang sugat sa balikat ni Jeremy dahil sa higpit ng pagsakal niya kay Meredith. Agad na hinawakan ni Madeline ang kamay ni Jeremy. "Bitawan mo siya, Jeremy." Pinigilan niya siya hindi dahil sa naaawa siya kay Meredith at hindi rin dahil sa ayaw niyang makasuhan ng murder si Jeremy dahil sa isang taong gaya ni Meredith, kundi dahil sa na