Kabanata 170

Halo-halong emosyon ang naramdaman ni Madeline nang marinig niyang tawagin siya ng ganun ni Jeremy. Hindi niya inasahan na sasaluhin siya ni Jeremy ng ganun. Tumingala si Madeline at nakita niya ang nag-aalalang ekspresyon ng mukha ni Jeremy. Nag-alala ba siya sa kanya? Makikita ang pagdududa at pagtataka sa mga mata ni Madeline nang maramdaman niya ang mahigpit na yakap sa lanya ni Jeremy. Ramdam din niya ang init mula sa dibdib ni Jeremy. Ito ang init na hinahanap-hanap niya noon, ngunit ngayon, balewala na ito sa kanya. "Salamat, Mr. Whitman." Ang mahinahong sinabi ni Madeline. Nahimasmasan si Jeremy sa puntong iyon at lumuwag ang pagkakayakap niya kay Madeline. Inayos ni Madeline ang kanyang damit at tumingin kay Jeremy. "Kung di ako nagkakamali, tinawag mo akong Maddie kanina? Sabi ng fiancee mo galit na galit ka daw sa ex-wife mo. Bukod sa ayaw ka niyang lubayan, inipit ka pa niya at pwinersa kang pakasalan siya. Kung ganun, di ba dapat galit ka din sakin? Bakit m