Kabanata 436

Nanahimik sandali si Fane bago siya huminahon. Ngumiti siya at sinabing, "Sige. Kung sabagay, isa itong pagtitipon para ipagdiwang natin ang pagkakaibigan natin bilang mga magkakasama sa digmaan. Palalampasin ko 'to!" Noong narinig yun ni Quil, kumibot ang gilid ng mga labi niya. Nagsasalita ang lalaking 'to na parang inapi siya ng husto. Ang taong naapi dito ay siya; ang eldest young master ng Xenos family. Tumango rin si Dennis. Naglakad siya papasok kasama ang dalawang major at si Fane. Pag-alis ni Fane at ng iba, hindi na nakapagpigil pa si Quil at kinausap niya si Magnus. "Tito, papalampasin lang ba natin 'to? Masyadong arogante ang lalaking yun. Hindi ka niya nirerespeto at sinabi pa niya na 'ano ngayon' kung isa kang seven-star King of War? Kung magsalita siya akala mo isa siyang God of War!" "Haha, ayos lang yun. Isa lang siyang ordinaryong sundalo. Isa akong King of War, nakakahiya kung ipapangalandakan ko sa kanya ang posisyon ko! At bukod dun, ikaw na mismo ang may s