Kabanata 345

"Paano mo nasabi na walang magandang klase sa mga batong 'to? Hindi mo nga tiningnan ng maigi ang mga 'to! Tsaka, baguhan ka lang, kaya anong alam mo?" Sinermonan ng matandang may-ari ng tindahan ng mga gambling rock si Fane. Sa sobrang galit niya gusto niyang sakalin si Fane. Nandito ba 'tong taong 'to para sirain ang negosyo at reputasyon niya? "Manahimik ka na lang kung wala kang alam sa mga gambling rock!" Inirapan ni Yvonne si Fane at umupo para pumili ng bato niya. Pagkalipas ng ilang sandali, dinampot niya ang isang bato. "Ito," ang sabi niya. "Hindi na masama ang batong 'to!" Nagsalubong ang mga kilay ni Michael. Hindi siya kampante sa larong ito dahil alam niya na mas maraming karanasan si Yvonne kaysa sa kanya pagdating sa mga gambling rock, pero naniniwala siya na mas gumaling siya sa pagpili ng mga bato kaysa noon. Ilang ulit na pinag-isipan ni Michael ang ilang mga bato at di kalaunan ay nakapili na rin siya. "Itong batong 'to!" Tahimik na tiningnan ni Fane ang