Kabanata 7

"Mamatay ako ngayon? Hindi mangyayari yun!" Hindi natinag si Fane. Tumingin siya sa labas at nakita niya na naglalaro na si Kylie sa ilalim ng puno ng banyan kasama si Shauna. "Hmph, tingnan natin kung makakapagmatigas ka pa mamaya!" Hindi na nag-abala pa si Young Master Clark na kausapin si Fane. Naniniwala siya na pagsisisihan ni Fane ang mga ginawa niya. Hindi nagtagal, pumarada ang ilang mga sasakyan sa labas ng bahay. Dumating si Dan Jameson, ang pinakamalakas na tauhan ng pamilyang Clark, kasama ang ilang mga maskuladong lalaki. Sumigaw si Dan pagpasok niya sa bahay, "Sino yung malakas ang loob na nanakit sa aming young master? Gusto mo na bang mamatay?" Sa mga sandaling ito, nanggagalaiti si Dan dahil may nakaharap siya na higit na mas malakas sa kanya at naging dahilan para putulin niya ang isang daliri niya. Kakatapos lang niyang ipagamot sa ospital ang naputol niyang daliri noong tumawag sa kanya ang kanyang master tungkol sa nangyari kay Young Master Clark at para na rin ayusin ang gusot na ito. "Yung basurang si Fane Woods ang gumawa nito sakin. Isa lang siyang walang-kwenta at retiradong sundalo, pero ang lakas ng loob niya na magmayabang sa harap ko!" Nagsimulang magmalaki si Young Master Clark noong makita niya ang pagdating ni Dan kasama ang kanyang mga tauhan. "Bwisit ka! Isa itong—" Ang sigaw ni Dan habang pasugod siya upang ilabas ang lahat ng galit niya. Subalit, halos manigas ang buong katawan ni Dan sa sobrang takot nang makita niya ang taong kaharap ni Ken. "Pagkakataon nga naman. Nagkita tayo uli!" Mahinahong ngumiti si Fane at tumingin sa naka bendang kamay ni Dan. "Mukhang maayos kang kausap. Isa kang tunay na lalaki na tinutupad ang kanyang pangako!" Noong una, hindi maintindihan ni Ken kung ano ang sinasabi ni Fane. Sumimangot siya at tumingin kay Dan, at nagtanong, "Nagkita na kayo?" Napangiti na lamang si Dan at tumango. "Young Master Clark, uhm… Oras na para mananghalian. Umuwi na kaya tayo?" Ilang beses ding kumindat si Dan kay Ken habang nagsasalita siya. "Mananghalian? Anong mananghalian? Bugbugin mo siya. Bwisit! Kapag hindi ko nailabas ang galit ko ngayon, hindi ako isang lalaki!" Suminghal si Ken na tila hindi niya naintindihan ang mga senyas at palusot ni Dan. Blag! Lumapit si Fane at sinampal si Young Master Clark. "Ikaw…" "Dan bugbugin mo siya!" Blag! "Dan…" Blag! Pagkatapos ng ilang sunod-sunod na sampal, halos mahimatay si Young Master Clark. "Dan, bakit hindi kayo kumikilos ng mga tauhan mo?" Halos maiyak na si Young Master Clark. Nanlumo siya sa nangyari. Ngayon lang niya naranasan ang ganito sa buong buhay niya. Hindi na nangahas pang kumilos si Dan. Nakita rin mismo ng mga tauhan niya kung paano pinatay si Black Dragon. Napayuko sila sa sobrang takot at hindi sila nangahas na lumapit. "Pasensya na sa abala!" Nangyari ang hindi inaasahan. Lumapit si Dan kay Fane at nagbigay galang. Kasunod nito, sumenyas siya sa kanyang mga tauhan at sinabing, "Iuwi niyo na si Young Master Clark!" Sa isang iglap, agad na binitbit ng mga lalaki si Ken palabas ng pinto. "Ibaba niyo ako. Dan, ano bang problema mo? Ang sabi ko lumpuhin mo yung lalaking yan. Bakit ba ang duwag mo ngayon Dan?" Nagmumura si Young Master Clark hanggang makalabas sila ng bahay. Walang nagawa ang pagwawala niya at binitbit na lamang siya ng kanyang mga tauhan. "Anong nangyare?" Parehong naguluhan sila Fiona at Andrew. Noong una, akala nila katapusan na ni Fane. Sinong mag-aakala na ganito ang mangyayari? "Posible bang takot sayo si Dan? Magkakilala kayo?" Ang nakasimangot na tanong ni Selena. "Mahabang kwento!" Ngumiti lamang si Fane at tumingin sa sako nh basura na nasa lapag. "Bakit ka namumulot ng basura Selena? Anong nangyare nitong nakalipas na limang taon?" Agad na nagalit si Fiona noong marinig niya ang tanong ni Fane. Nagalit ng husto si Fiona at sinubukang itulak si Fane palabas ng pinto. "Ikaw ang may kasalanan ng lahat ng 'to! Kung hindi mo pwinersa ang sarili mo kay Selena at kung hindi mo siya nabuntis, sa tingin mo ba itatakwil siya ng pamilya namin? Sa tingin mo ba mamumulot kami ng basura para mabubay kung hindi dahil sayo?" "Ma, tama na yan. Wala siyang kasalanan sa nangyari. Sarili kong desisyon yun. Hindi niya ako pinilit!" Madiing sumagot si Selena, "Hindi ko pinagsisisihan ang nangyari samin noong gabing iyon. Hinding-hindi ko pagsisisihan ang desisyon ko. Aakuin ko ang responsibilidad ko. Hindi ba't si Lolo ang nagsabing pakasalan ko siya? Siya ang lalaking gusto kong makasama!" "Imposible yan. Siguradong pwinersa ng walanghiyang 'to ang sarili niya sa'yo. Nalasing ka siguro at sinamantala niya yun. Iyon marahil ang nangyari!" "Ikaw ang Eldest Miss ng pamilyang Taylor at isa lang siyang hamak na delivery boy. Anong karapatan niya na maging asawa mo?" Ayaw maniwala ni Fiona sa mga sinabi ni Selena. Tiningnan niya ng masama si Fane. "Wala akong pakialam. Kailangan mong bayaran ang anak ko ng danyos at hiwalayan siya. Hayaan mo siyang magpakasal kay Young Master Clark." "Ina, sinabi ko na sa'yo. Hangga't hindi si Selena mismo ang nagpaalis sakin, hindi ko siya hihiwalayan!" Determinado si Fane. Mahinahon siyang tumingin kay Selena at nagtanong, "Selena, pwede mo bang sabihin sakin kung anong nangyari? Kahit na pinalayas ka ng pamilyang Taylor, hindi mo naman kailangang mamulot ng basura, di ba? Gamit ang impluwensya at kakayahan mo, paanong hindi ka nakahanap ng magandang trabaho?" Ngumiti si Selena. Mahahalata ang pait at paghihirap sa kanyang mga ngiti. "Sa tingin mo ba ginusto ko to? Noong mabuntis ako, ginusto nila na ipalaglag ko si Kylie. Hindi ako pumayag at pinalayas nila ako. Anong klaseng trabaho ba ang pwede kong pasukan habang buntis ako? Bukod pa dun, ipinag-utos ng lolo ko sa lahat ng mga kasosyong kumpanya ng pamilya namin na huwag akong tanggapin sa trabaho!" Sa puntong iyon, umupo si Selena sa tabi ng mesa. Puno ng awa at panghihinayang ang kanyang mga titig. "Gusto akong kunin ng ibang mga kumpanya, gaya na lang ng pamilyang Clark. Kahit na gusto nila akong kunin, kukunin lang nila ako kung ipapalaglag ko ang bata. Bukod pa dun, matagal na akong kinukulsunada ni Young Master Clark! Ano pa bang pwede kong gawin? Mas malala yung pamilyang Taylor. Titigilan lang nila ako kapag namulot ako ng basura. Kung hindi, magpapadala sila ng mga tauhan para sirain ang negosyo ko kahit na maliit na tindahan lang ang itayo ko!" "Bwisit!" Sa puntong iyon, hindi na kayang makinig ni Fane sa mga nangyari. Napilitang mamulot ng basura ng asawa ng Supreme Warrior at wala man lang tumulong sa kanya? "Ang lahat ng 'to ay dahil sayo. Kundi dahil sa walang-kwentang gaya mo, sa tingin mo ba maghihirap ang pamilya namin?" Masama pa rin ang loob ni Fiona. "Higit pa dito, nalumpo ang binti ng tatay ni Selena nung nagtrabaho siya bilang isang kargador. Tingnan mo ang nangyari sa kanya! Hu, hu, hu, bakit napakahirap ng buhay ko!" "Ama, ina, patawarin niyo ako. Hindi ko gustong mangyari 'to sa inyo!" Napuno ng pagsisisi si Fane nung makita niyang lumuluha si Fiona at nang makita niya kung gaano kahirap ang buhay ng kanilang pamilya. "Huwag kayong mag-alala. Ngayong nandito na ako, wala nang magtatangkang manakit pa sa inyo!" "Kalokohan!" Nanggigigil ang boses ni Fiona, halata ang panggagalaiti niya habang dinuduro niya si Fane. "Sundalo ka lang. Anong magagawa mo? Magaling ka lang magsalita. Sa nakikita ko, mas makakabuti ng 10 hanggang 100 na beses kung maikakasal si Selena kay Young Master Clark o kay Young Master Wilson kumpara sa basurang gaya mo!"