Kabanata 611

Pagkatapos niyang sabihin ang kanyang huling salita, umikot siya para tignan si Ben. Namutla ang mukha niya na para bang nakalimutan kulayan ng pintor ang kanyang mukha. Napuno ang kotse ng ilang segundo ng katahimikan bago naiilang na nagsabi si Ben, "Mayroon ilang restaurant sa first floor. Siguro may appointment siya kasama ng mga kaibigan niya para kumain muna ng hapunan, o kaya pumayag siya na makipagkita sa hotel bago mag-karaoke? Hindi ba normal lang yun?" Huminto sandali si Ben at pagkatapos ay nagliwanag ang kanyang mukha na para bang may ideyang lumitaw sa kanyang isipan. "Tignan ni! Hindi ba mayroong ilang bar sa tabi ng Grand Star Hotel? Baka pinarada lang nila ang mga kotse nila sa parking lot ng hotel at plinano na maglakad papunta sa mga bar, di ba? Posible rin yun! Kaya wag kang mag-isip ng kung ano-ano, Ate. Naniniwala ako kay Xena––hindi siya isang malanding tao!" Nabigla si Selena. Hindi siya makapaniwala na hanggang sa sandaling ito ay malakas pa rin ang ti