Kabanata 44

"Oo nga ma, saan galing yung pera?" Lumapit si Xena at malambing na tinawag si Fiona na "ma". Napahinto saglit si Fiona, pagkatapos ay natuwa siya. "Iha, ano ulit ang tawag mo sa'kin? 'Di ba tita ang tawag mo sa'kin dati?" Biglang nahiya si Xena at sinabing, "Tita, sorry po. Matagal na kitang gustong tawagin na 'mama', pero nahihiya po talaga ako. Hindi ko sinasadyang matawag kang mama!" "Maganda yan, iha. Tawagin mo na lang akong 'mama' kesa 'tita'. Gusto ka naming pareho ng tatay mo, kaya tawagin mo na lang akong 'mama' mula ngayon. Seryoso ang relasyon ninyo ni Ben at balak niyo rin namang magpakasal balang araw, hindi ba?" Sa sobrang saya ni Fiona, napakalaki ng ngiti sa kanyang mukha. "Ma, hindi mo pa nasabi sa'kin, kung saan galing yung pera? Bakit ang dami? May mayamang Master ba na gustong pakasalan ang ate ko at binigay niya 'to bilang regalo?" nasasabik na tanong ni Ben. Tila gusto talaga niyang magpakasal ang ate niya sa isang mayamang lalaki para muling makapamuha