Kabanata 101

Pagkatapos ipaalam ni Sonia sa lahat ang tungkol sa party, agad siyang lumabas ng opisina at tumawag sa hotel. Lumapit sa kanya ang isa pang babaeng empleyado na malapit sa kanya pagkatapos niyang tumawag. "Supervisor, ilang taon ka nang nagtatrabaho para sa Drake family. Bakit hindi man lang nila naisip yung kontribusyon mo sa kumpanya? Hindi ba dapat gawin ka na nilang manager? May bakanteng posisyon para sa Procurement Manager, pero hindi naman ata tama na ibigay nila yun kay Selena, di ba?" Ang sabi ng babaeng empleyado nang makalapit siya kay Sonia. Galit na galit si Sonia nang marinig niya ang sinabi ng babae. Pumangit ang itsura niya dahil sa matinding galit na kanyang nararamdaman. Pinilit na lamang niyang ngumiti. "Hayy, magaling siya at ang sabi ng General Manager, si Ms. Tanya mismo ang kumuha sa kanya. Tsaka, matagal nang naipakita ni Selena ang kakayahan niya noong parte pa siya ng Taylor family!" "Letse. Ang alam ko pinalayas siya sa Taylor family limang taon n