Kabanata 82

Sa loob ng apartment, inalalayan ni Yi Jinli na makaupo si Ling Yiran bago niya initin ang pagkain na galing sa ref. Nang makita ni Qin Linayi kung paano asikasuhin ni 'Jin' ang kaibigan niya, natuwa siya. 'Noong una natatakot ako na baka mapahamak ang best friend ko noong nalaman ko na nagpatira siya ng hindi niya kakilala, pero ngayon sigurado akong mapagkakatiwalaan si 'Jin'. 'At bilang best friend, masaya ako na may taong magaasikaso sa kaibigan ko.' Hindi nagtagal, nagpaalam ng umalis si Qin Lianyi kaya kumain na sila ng dinner, at pagkatapos, tumayo si Ling Yiran para ligpitin ang mga pinagkainan nila pero bigla ring tumayo si 'Jin'. "Ako ng bahala dito ate. Wag ka na masyadong magkikilos." Hindi tumanggi si Ling Yiran at pinanuod nalang si 'Jin'. Pagkatapos maghugas ng pinggan, tinanong ni Yi Jinli si Ling Yiran, "Ate, kailangan mo bang mag CR?" "Ha?" Biglang nahimasmasan si Ling Yiran nang marinig ang boses ni 'Jin'. "Oo o Hindi?" Tanong ni Yi Jinli, na para bang