Kabanata 717

Doon lamang napansin ni Gu Lichen si Hua Lifang. Agad na sumilay ang kalungkutan sa kanyang mga mata. ‘Ano bang mayroon sa akin? Nandito si Lifang. Ano pa ba ang pinagdududahan ko? ‘O... Ano pa ba ang inaasahan ko?’ Sa wakas ay dahan dahan bumitiw ang kanyang mga daliri, at agad namang hinawi ni Ling Yiran ang kanyang kamay. Gamit ang madilim na mukha, binuhat ni Yi Jinli si Ling Yiran sa kanyang bisig. “Jin, kaya kong maglakad mag-isa,” dali-daling sabi ni Ling Yiran. “Galing lang sa sakit ang ulo mo. Mas mabuti kung bubuhatin kita papunta sa sasakyan,” ani Yi Jinli habang papalayo patungo sa labasan ng peryahan. Nagmamasid si Gu Lichen hanggang sa mawala sila sa kanyang paningin. Pagkatapos ay binaba niya ang kanyang mata at nakita ang pulang marka sa kanyang pulso. Dito banda siya mahigpit na hinawakan nina Ling Yiran at Yi Jinli kanina, ngunit ngayon lang niya naramdaman ang sakit sa pulso. “Lichen, ayos ka lang? Masakit ba?” Tumingin si Hua Lifang sa pulso ni Gu Li