Kabanata 400

Imposibleng magsabi ng hindi. Nung nagising na kasi si Ling Yiran, nasa kama na niya si Yi Jinli. Napabuntong hininga si Ling Yiran. ‘Sige, matulog na tayo ng magkasama.’ Nakatulog na rin naman sila ng ganito dati. Pero, pagkahiga niya sa kama, hindi siya makatulog dahil sa presence nito. Kaya naman, nag-isip si Ling Yiran ng pwedeng sabihin, “Bakit tinatawag mo pa rin akong Ate?” “Ayaw mo bang tinatawag kita ng ganyan?” Nag-alinlangan siya. “Hindi naman, sa tingin ko lang ay… Uh, medyo weird kasi na tawagin mo ako ng ganyan kasi nagdedate na tayo.” Kapag narinig kasi ng iba at di alam na may relasyon sila, baka akalain nila na kapatid siya nito. Pero, sanay na siya rito. Sa huli kasi, ito na ang tawag nito sa kanya sa simula palang. “Paano kung tatawagin kitang Yiran sa harap ng maraming tao? Para naman sa Ate… sa pagitan lang nating dalawa yun,” sabi niya. “Ikaw… mukhang gusto mo na tinatawag mo akong Ate,” sabi niya. “Oo. Dahil unang beses na may nagsabi sakin na tawagin si